張智霖錯用成語 老婆袁詠儀無奈糾正登上熱搜榜

張智霖同袁詠儀（靚靚）結婚接近18年，可算係娛樂圈模範夫妻，一家三口生活一直思愛幸福，時不時更會喺社交網站發佈幸福生活，但張智霖近日出去工幹，竟然喺社交網站帖文話要同老婆「分道揚鑣」。

張智霖分享同老婆喺機場嘅合照，唔捨得要同老婆分開，寫下：「在機場，今日分道揚鑣」，但睇嚟張智霖應該係誤用成語，因為分道揚鑣係比喻各人因目標而分開發展，各走各路；其後老婆靚靚霸氣留言：「阿張先生呀！是分頭行事才對！」笑死一班網民，有網民仲問：「係唔係又耍花槍？」

靚靚糾正完張智霖錯用成語後，引來一陣轟動，社交網站更以「袁詠儀糾正張智霖」登上熱搜榜。

原來娛樂圈都有藝人曾經因錯用成語引來笑話。陳凱琳喺台慶時，試過將「奮不顧身」講成「粉身碎骨」，當時Do姐更即刻幫佢講笑化解，話：「做我哋藝員一定要對觀眾負責，如果唔係明明『奮不顧身』就變成『粉身碎骨』喇。」

Text：Mami Editoral

Photos：張智霖@微博