【消滅尿片要450年 環保尿布其實好易洗】

今次第2胎我選用左環保尿片。近半年來，開始學習環保，要源頭減廢。自問自己未能做得好好，但都希望能夠出一分力。而我係生第二胎時先發現原來尿片係需要成450年先消滅到架！咁大家自己計計數一個B用左幾多條片，要用幾多年時間

見到呢個驚人數字後，我決定左用環保尿布，尿布牌子都有好多，而我最後揀左CHARLIE BANANA用環保尿布都係為減廢唧！（用環保尿布減少紅PATPAT同尿片敏感）

而我見到部分品牌係分碼數既～意思就係BB唔岩著又要換過哂，CHARLIE BANANA除左帶XS（FOR特別細粒BB）片片外就只有ONE SIZE，ONE SIZE可以由0歲著到3歲，完全可以代替埋學習褲。

另外我好想講環保尿片吸力好好，夜晚入2塊片芯，基本上無爆過屎

尿布用完我就會當日夜晚洗，所以都要大約15條片片（基本上好天都好快乾，但香港潮濕問題）

我講下點樣洗尿布啦！因為好多人都話麻煩，其實好簡單

首先每次痾左既片成條拎去沖水，片芯都拎出黎沖

沖完後，我就會放落一個透氣既污衣袋到，等夜晚一次過浸同洗

到左夜晚，我就一次過將尿布同片芯係水到加梳打粉浸一個鐘

浸完後，就放入洗衣機到好似平常洗衫咁洗就得啦！（SUGGEST用洗衫袋）

洗完後，最好拎去曬下太陽。D漬都會淡哂，同埋可以殺下菌丫麻

想介紹一下我用既洗衣粉，係來自台灣「美好人生 多功能海水洗劑」，一款主張環保既清潔粉

佢真係好多功能架。可以洗衫、洗碗、人同動物沖涼、淋花同驅蟲都得！買左一盒試用後，完原返唔到轉頭。

希望大家睇完後了解環保尿布多左，明白其實清潔簡單

唔好再以為好難洗同麻煩，買返1-2條試下先