收奶後 媽媽嘅胸部變得慘不忍睹 4招令鬆弛乳房回復堅挺

懷孕嘅時候，孕媽媽會因為體內荷爾蒙變化而令乳房變大，但當生完BB後，荷爾蒙量就會減低，加上哺乳嘅關係，乳房嘅脂肪同乳腺組織都會快速減少，令乳房變得鬆弛，失去以前嘅緊致飽滿。但乳房已經下垂嘅媽媽千祈唔好氣餒，只要日常中慣常做以下4件事，假以時日，堅挺嘅雙乳會返嚟㗎！

1.多補充膠原蛋白

想令胸部點復彈性，媽媽應該食多啲富含膠原蛋白嘅食物，如豬腳、豬皮、花膠等。

2.做強化胸肌嘅運動

運動可以強化胸肌肉，改善乳房下垂，媽媽可以多做以下兩個動作：

• 靠牆擴胸運動

兩手各自扶喺牆壁，兩腳距離牆壁約40厘米站立，之後身體往前傾，利用手嘅力量令身體推近、推遠。腳同牆嘅距離愈遠，效果愈好，每次做15至20下，一日做三個循環。

• 併肘抬手運動

雙手合十、雙肘貼合，然後兩臂以90度角垂直向上提，提到最高時維持5秒後慢慢放下。

3.胸部按摩

雙手搽上按摩油或乳液，以乳頭為中心先順時針方向旋轉按摩，然後再逆時針方向按摩，當乳房皮膚微紅時停止，最後拉一拉乳頭5-10次。呢個方法可以刺激乳房，包括腺管、乳腺脂肪、結締組織、乳頭同乳暈等，令乳房變得豐滿有彈性。

4. 穿戴合適胸圍

乳房大部份都係脂肪組織，可以靠鋼圈胸罩去穩定胸部嘅形態。

Text: Mami Editorial