【7條聯合醫院生產問題分享 解答準媽媽小疑難】

終於有時間整合一下，出埋聯合醫院生產-你問我答part 2

1-到時咪要拎紗巾比阿B係醫院用既, 咁用完既紗巾, 你係即時洗, 定拎返屋企先洗架, 哈哈

答:唔洗架帶去都唔會用到,番去用樽餵奶嘔奶先會用到紗巾~bb頭幾日係醫院好小可會嘔奶(就算真係嘔都有毛巾抹)所以信我唔洗帶~~如果唔係出院又拎多幾樣野

*唔好立亂信人帶d醫院唔建議你帶幾既野 我嫂係其他醫院生要帶一包床墊 死都叫我帶，點知聯合有津貼床墊唔洗自己帶出院又拎番堆野走~~~

2-下, 聯合有床墊架? 我仲淘實買左一大包, 唔知60定70塊TIM...咁即係我都唔洗帶床墊啦? 順產同開刀都有提供床墊?

答:走佬袋個張紙都無寫要帶~~~醫院會幫你放埋喺張床度~如果污糟左佢都可以幫你換塊新~~自己買個d返到屋企都用唔着(因為你換密d衛生巾 其實好難漏出黎,仲有d量唔會誇張到接唔唒~好似頭2日黎m咁多),係有啲政府醫院提供床墊 所以要帶！但係聯合係唔需要!

3-請問住院期間，bb 係咪著醫院衫？需要幫bb 沖涼嗎

答:有和尚袍提供醫院每日會幫BB沖一次涼,醫院會係電視播片教大家點幫bb沖涼~住院期間全部有姑娘姐姐沖

4-我想問除咗笑氣，有冇止痛針或者無痛分娩提供？係唔係一定要住3日㗎？如果媽咪同bb情況正常可唔可以提早出院？如果bb黃會有咩安排？

答:係產房量宮縮同聽心跳個陣佢有比本書仔我睇~我無留意有無止痛針 而且佢都無問我(如果有我都唔用 怕有後遺症)~~~我個陣3號夜晚9點生,其實7月5號夜晚已經出得院~但我要番娘家 怕番去夜 所以6號先出院,bb出院個日會有兒科醫生檢查一次 太黃會留院照燈~我女有少少黃 但可以出院，到第4日會番去健康院檢查bb仲有無黃 好彩我個女個時4日退唒~~~~

5-想問下聯合會唔會剪呀? 姑娘醫生好嗎?生完有無得同BB合照呀?? 有無無痛揀?? 可唔可以借泵奶機呢?

答:會剪阿~姑娘助產士都好好人..頭幾日唔會泵架 會教你埋身/手擠 要上奶要靠bb啜,有送阿頂帽好迷你 haha

6-8 小時唔準落床，咁去廁所點算？(emoji)

答:係床上放盤比你痾,但痾完好害羞 姐姐拎沖洗瓶幫我沖(我係產房飲左好多水痾左2次尿 d姐姐以為我假急尿佢地話生完唔會咁快急 )

7-係咪每個媽媽都係8個鐘架?? 因我第一胎係另一間政府生, 無8個鐘佢地就要我地落

答:我個時順產完 佢話過8個鐘唔好落床去廁所 驚會暈，一夠8個鐘 d姐姐就帶去廁所 教用沖洗瓶同換巾。

好啦 分享到呢到！希望解答到你地 :)

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：西瓜媽媽

Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！