【帶BB出國旅行 執喼唔可以再隨意】

一向隨意嘅我，以前自己去旅行通常早一兩日先執喼，宜家帶及及去旅行，我早幾個星期就要開始list out有咩要帶，因為自從生完BB之後記性差到一個點，驚自己會帶漏嘢，去到當地又未必有得買及及用開嘅牌子或者物品，所以去旅行最大挑戰就係執喼~

以下係我之前帶及及去旅行整嘅行李List俾大家參考:

經濟艙手提行李一段都係約7-10KG (視乎航空公司), 基本上BB嘅野都已經可以放滿哂。除咗帶平時出街會帶嘅野之外，奶粉一定要帶多少少，如果唔係BB喺飛機要扭奶食就真係可能冇人幫到你，人奶媽媽就可以帶定哺乳圍方便餵奶/泵奶，但記得要自備冰袋，因為空姐唔會幫你雪奶。另外，衫仔最好準備多套，如果BB整污糟/濕咗都可以替換。平安藥要跟身，以防萬一BB喺飛機有咩唔舒服都可以食，最好有埋BB名，因為有D國家帶藥物入境可能要申報。

寄倉行李基本上差唔多將成個屋企用開嘅BB嘢執哂去，驚BB水肚不服可以帶備蒸餾水，其他外出用品視乎當地氣候，夏天最好就帶埋防曬用品。如果怕酒店浴缸唔乾淨就可以帶吹氣浴盆/吹氣椅俾BB洗白白～

(補充: 當時及及大約1歲)

歡迎到以下link下載:

手提行李

寄倉行李

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：j_and_mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！