38歲台灣藝人隋棠婚後生完一對仔女後，再接再厲，今年9月宣布又懷咗老三Olie。今日宣佈平安生下仔仔，但睇嚟過程相當搏命，所以影相嘅時候頭髮都係亂七八糟，自嘲「生個小孩老是像瘋婆」。

隋棠喺2010年因演出電視劇《犀利人妻》謝安真角色走紅，陀住細囝嘅時候都被網友問：「陀B身材都咁好，究竟要逼死邊嗰？」但睇嚟生B嘅時候就做唔到??媽媽，佢喺社交網絡都感嘆話：「沒有美美生的運、沒有最痛只有更痛、怎麼寶寶一個比一個大又壯、來最壯的是我真是老當益壯。」

同老公結婚3年多，婚姻甜蜜，而且成日喺網上同粉絲分享同仔女嘅生活，今年9月和老公到芬蘭旅行時，透露懷咗第三胎。

第三胎BB Olie睇落好多頭髮，雖然隋棠生完好似好混亂，塊臉仲係紅卜卜，但仍然好優雅，期待見到Olie同哥哥家姐嘅生活點滴呀！

Text：Mami Editorial

Sources & Photos：隋棠 Sonia Sui@Facebook