研究發現坐BB車吸入廢氣比成人高60% 籲遠離馬路邊

英國有研究發現，由於BB車距離地面較近，加上同汽車排氣喉嘅高度相若，所以推斷嬰幼兒喺BB車內接觸到嘅路邊空氣污染物會比成年人多60%。研究人員指出，正處於發育階段嘅嬰幼兒有機會受污染物影響而嚴重損害健康。

路邊空氣污染物含有大量有毒金屬，有機會影響BB腦部發育。研究人員表示嬰兒嘅身體組織、免疫系統同腦部發展都仍然喺早期階段，非常脆弱，所以對於嬰兒暴露喺咁危險嘅空氣污染水平感到擔憂。

研究呼籲政府採取措施減少空氣污染，例如限制汽車廢氣排放、鼓勵民眾多使用公共交通工具等。而父母亦應避免將BB車推得太接近馬路邊、巴士站等，避免坐喺車內嘅小朋友吸入過多污染物。

Text: Mami Editorial

Source: DailyMail