照顧第二胎與第一胎 媽媽心態不同之處

俗語話第一個照書養，第二個隨便養。

根據非正式統計，媽媽對第一胎同第二胎嘅教養心態係會有以下嘅變化。

1.懷孕期戒口

第一胎：每食一樣嘢都搵資料睇下對BB有冇影響

第二胎：肚餓想食咩就食咩，無咁多顧慮

2.見到BB喊

第一胎：「點算啊？究竟佢係咪邊度唔舒服？定係抱得唔好？」會諗千百樣BB喊嘅可能，諗盡辦法氹佢

第二胎：「哎喲，唔好喊啦～」實行動口不動手方法

3.BB整親/病左

第一胎：小至皮外傷，大至屙嘔無精神，事無大小都要即刻睇醫生

第二胎：繼續觀察下先，因為去到醫院都係等

4.買衫比BB

第一胎：一定買新衫，必用嘅要買，鐘意嘅幾貴都要買，最後買落好多未著過

第二胎：著返家姐啊哥嘅二手衫就得，唔洗特別買新

5.買BB食物

第一胎：買前要做資料搜集，要買有機、無激素、通過測試報告嘅食物，買個時仲要睇成份表，諗過度過先會買

第二胎：唔會特別去揀，見到啱、特價就買

6.BB煮食用具

第一胎：BB同大人各有一套煮食用具，清洗個時都要分開洗

第二胎：同大人用同一套都無所謂，清洗個時一齊洗

7.BB進入新階段

第一胎：每日都期待BB嘅進步，BB每踏入新階段都會慶祝、影相紀錄底，仲會同哂所有親戚講

第二胎：「哦，識轉身喇。」毫無驚喜咁繼續做其他事⋯⋯

8.育兒技巧

第一胎：不停向經驗者取經、睇育兒書

第二胎：一直沿用第一胎嘅技巧

9.同小朋友分開

第一胎：滿心唔捨得，時間長少少仲會喊

第二胎：覺得係解脫，終於有少少私人時間，仲想時間耐啲添

Text : Mami Editorial