【包包去哪兒 の 反轉台場懶人包 ★ TeamLab 】
EP2. 包包去哪兒 の 瀛遊東京
2018日本東京親子必去推介 今回介紹反轉台場一日遊
話說我地今次由羽田機場落機 所以先去橫濱 再去台場
台場之前較出名有高達駐場 但今年非新地標 - 豐洲市場莫屬
唔知大家有冇留意到大廈外牆明明寫住 "豊"（音讀禮）洲市場
但人人都讀 "豐" 洲市場呢?! 原來「豊」的日文意思是中文的「豐」
所以東京市政府最後都選擇了用「豐」洲市場 做官方中文譯名
豐洲市場
前往豐洲市場: 可先乘坐東京地下鐵有樂町線至「豐洲」站
再轉乘單軌火車「百合海鷗號」於「市場前」站落車
包包對於坐無人駕駛的單軌火車表現得相當興奮
於10月11日開業的豐洲市場 暫時先將築地市場內38間餐廳搬遷至豐洲市場
如非潮聖 其實而家去新築地用去FOOD COURT無分別 因為真係冇咩野睇
無左以前築地的掃街氣氛....
而且知名壽司店依然大排長龍 好似我地當日下午先去到 好多號碼籌已派完....
幸好仲有哩間接我地一同9人的order
我地叫左店長推介及精選SET 最鐘意日本的手握壽司
就是魚生跟飯的溫度及味道都配合得天衣無縫
包包見到壽司雙眼發光 仲要由食蟹籽升level到追食進擊的三文魚籽
吃貨包果然唔係浪得虛名
溫馨提示: 豐洲市場都有「公休日」 場內食店將會休息 所以去之前記得CHECK清楚 2019年公休日
TEAM LAB
去完豐洲市場high tea 跟住就坐番車去台場 (百合海鷗號)青海站落車
步行5分鐘至摩天輪附近就會見到Team Lab
TeamLab 是一個聚集了科技、創意、科學、建築、藝術、電腦工程的藝術奇想展覽
創辦人希望用藝術改變世界 讓數位藝術能完整地在現實空間中呈現出來
年頭去福岡都有到訪户外Team Lab 對於這個裝置藝術展覽可以引起全球大眾朝聖
2 月在美國矽谷、3月在新加坡的展出都得到成功的迴響
東京台場的展覽更成功吸引近 50 萬人來訪 所以這個景點非去不可
而且室內版展品較多元化 佔地約有10,000㎡大小 分為5個空間
內有520部電腦及470部投映機 這些數字也令人嘩然吧
就跟大家分享一下這個結合數碼視覺藝術與人體互動 如何令參觀者罝身於作品當中
而且最值得欣賞的是新一代的Digital Art也能從展品中向傳統藝術致敬 靈感更源自當代藝術
入場先放下行裝及BB車 再用電子門票進場
因為展館都幾大 建議需帶備輕便小袋 (證件,銀包, 電話, 小朋友必需品(尿片/奶/水)
以免要重返locker取物
Zone 1: Borderless World
作品名為 Untitled
讓小朋友置身於花海數碼空間 靚到嘩嘩聲 電話相機記得差足電瘋狂影相
人山人海的必到打咭點 Point 1
大玩Lighting與鏡子 包包睇Lightshow睇到好開心
轉角另一打咭位:水晶宇宙Crystal Universe 仿如置身於bling bling世界之中
作品概念來自於「點」 以光為媒介 將平面的「點」用立體空間表現出來
這是米高媽媽大愛的幻變花海 一朵朵白色圓形花朵會因應光影而變色
參觀者會順流而下 很有Alice in the wonderland的感覺
Zone 2: Forest of Resonating Lamps
排隊入場必到打咭點 Point 2 - 燈之森林
這片燈海就是用上燈泡及鏡設計而成
做完Research先了解到這片燈海森林極有深度 當你靠近燈泡 停下一會 最近距離的燈泡就會發光發亮
之後再如此類推地傳開去 而傳開的燈光 又會令所有燈強烈地發亮一次 最後再傳回原來駐足下的燈泡
好一回人燈呼應 不過只可惜限時入內參觀 影完相都未可以好好地認真體驗 .....
下層有一個很冶癒的海浪館 內有大大個沙包cushion放於地上
讓人席地而坐 剛好細佬b午睡 可以稍作休息
Zone 3: TeamLab Athletic 運動之森
此Zone為動態區域 以「用身體捉緊世界，將世界想像為立體」為概念
盡情用身體融入藝術空間 當中包括有適合大朋友玩的「光之立體Bouldering」
「跳高下沉的空間」「空中搖晃吊棒走渡」 「反重力動作，被發光立體物淹沒的空間」
「地球彷彿逆轉了般的世界」及「用帶有高低差的斜面所創造的立體空間」等等
包包大愛的「跳高下沉的空間」Boing Boing Universe
4人為一組 小朋友可跟大人一起拖手躍跳 再跟同組朋友較量一下彈跳力
體感遊戲考驗平衡力和彈跳力 仿如置身於太空之中
就連包爸跟愛女玩完 都要單獨排隊再玩一次
Zone 4:Sketch Aquarium
只需用上畫紙 填上顏色 加點創意 想像出來的創作品便能一scan 呈現於大屏幕中暢遊
讓手繪塗鴉變成3D動畫
由於細佬b未識行 又唔用得bb車 抱足全程 終於見到一個baby zone
可以除鞋放心俾細佬b入去大玩特玩
米高媽媽很愛的一張二寶照
好戲在後頭 正當我地想走既時候 發現仲有一個色彩繽紛的區域
這個童話城市很厲害 繁忙的數碼汽車會因應小朋友放置的小屋/大廈/雲朵等障礙物而改變路向
就連大朋友都玩都好開心 不知不覺就o係TeamLab玩左三個幾鐘
真係快樂不知時日過....
台場TeamLab推介指數十粒星
*原來豐洲都有另一個Team Lab 開放時間比台場更夜 更適合訂為夜遊台場之行程
台場TeamLab開放時間
星期一至四、日、公眾假期 10am-7pm（最後入場時間為6pm）
星期五、六、假期前夕 10am-9pm（最後入場時間為8pm）
*每月第2及第4個星期二為休館日
入場費：成人、高中及大學生3,200円／4歲～中學生1,000円／3歲以下小童免費入場（價格已包稅）
官方網頁：https://borderless.teamlab.art/jp 購票連結
汐留
好多朋友都問點解每逢十一月都會去日本 除左天氣涼涼地好舒服
而且當地仲會充滿濃厚的聖誕氣氛 所以今次我地順便坐埋「百合海鷗號」去汐留睇燈飾
汐留睇燈飾之所以十大必去推介
因為每十五分鐘就會配合冰雪奇緣主題曲Let it Go 上演X'MAS Lightshow
包包足足睇左兩場先肯走.....
EP3再同大家分享位於台場的大江戶溫泉物語 :～
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text & Photos：米高媽媽
【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
