難得8堂表兄弟妹聚首 再拍出30年前相同相片

台灣屏東有位男網友喺社交網站貼文，分享自己婚宴當日同7位堂表弟妹嘅合照，指好開心成功可以同堂表弟妹們影出同30年前一模一樣動作同表情嘅照片，多謝親友出席慶賀，引來許多網友懷念同感動。

男網友指，舊時個張相，大概差唔多5、6歲，佢自己係最大，應該大概7歲。大個後，大家都各有各生活，要聚首一堂真係唔容易，男網友覺得依張真係一張好值得紀念嘅照片，所有人位置姿勢表情都唔變！連拍攝地點都係一樣，改變嘅只係架車，因為當年個架車已經揾唔返。雖然細個嗰陣佢哋冇一齊住，但因為大家父母感情好好，所以成日一齊玩。

好多網民都話深有同感，羨慕男網友好幸福，可以有個咁開心嘅兒時回憶，加上有咁好嘅親友亦唔係容易。男網友指，宜家30年過去，好多親朋戚友都到外縣市工作，只有1、2個留喺屏東，宜家就算可以見面，都好難全部合體，趁住自己婚宴，先可以再次聚首一堂，喺同個地點同樣姿勢合影一張。

Text：Mami Editorial

Sources & Photos：爆廢公社