邊玩邊學！海洋公園探索歷險課程，讓4至11歲孩子聖誕、農曆新年假期過得更充實

嚟緊聖誕、農曆新年咁多假期，各位爸媽諗定安排咩活動俾小朋友未呢？其實放假唔一定淨係吃喝玩樂，海洋公園就有探索歷險課程，等小朋友可以透過觀察小動物，邊玩邊學習新知識！

海洋公園呢個歷險課程由多元教育中心Baker & Bloom嘅星級團隊設計，加入STEAM全方位學習元素（即指科學、科技、工程、藝術及數學)，配合海洋公園嘅大自然環境，鼓勵小朋友透過觀察動物嘅生長環境同埋大自然嘅連繫，加深對動物同自身關係嘅了解，學識喺日常生活中學習同應用科學，同埋教導小朋友愛護生態。

Photo from Ocean Park HK

課程會按小朋友嘅年紀分為兩個級別， 4至5歲嘅小朋友為「童遊探索隊」，而6至8歲小朋友為「樂遊探索隊」。兩隊同樣透過鼓勵小朋友同動物、大自然互動，以唔同學習主題，促進小朋友的身心全面發展。

相信唔少家長平時都會帶小朋友去動物園，不過同時要引導小朋友喺觀察動物過程中，啟發創意、探知同實踐科學就唔容易啦！

「童遊探索隊」課程會安排小朋友觀察水豚嘅日常生活，從中深入認識動物嘅身體結構，了解水豚點樣適應陸上同埋水中嘅居住環境。另外，小朋友亦會親手為魚兒準備營養豐富嘅食物，同埋應用所學嘅科學應用，自己動手設計同製作自動滑行小艇！

Photo from Ocean Park HK

Photo from Ocean Park HK

「樂遊探索隊」課程就俾機會小朋友與海豚互動、近距離觀察大熊貓小熊貓，觀看貓頭鷹餵飼示範，了解人類行為如何影響環境同野生動物。

Photo from Ocean Park HK

Photo from Ocean Park HK

另外小朋友可以落手做多個科學實驗，去測試物質酸鹼度、拆解貓頭鷹嘅「食繭」等，仲會同其他隊員合作，自編自導製作以動物保育為題嘅動畫！好玩之餘，仲有助啟發小朋友多元思維，提升社交能力！

Photo from Ocean Park HK

Photo from Ocean Park HK

至於大個仔啲、有8至11歲大嘅小朋友，仲可以參加「夜遊海洋歷險記」！小朋友將會夜行海洋公園，分隊合力完成團隊挑戰及自然探索任務，最好玩嘅係可以喺海洋奇觀水族館過夜！對住超過5000條魚兒過難忘一晚，同時觀察魚類夜間行為！

Photo from Ocean Park HK

Photo from Ocean Park HK

除咗可以俾小朋友了解大自然，更重要係透過夜行、黑暗中探索自然奧秘，磨練歷險技能，增強自信心。而且課程嘅團隊挑戰，可以訓練小朋友嘅溝通技巧同合作能力，確實係好玩又難得嘅體驗！

Photo from Ocean Park HK

Photo from Ocean Park HK

三個課程都只為期2至4天，冬季同春季都有開課，啱晒安排俾小朋友善用餘暇！不過名額有限，爸媽們有興趣就快啲幫小朋友報名啦！

海洋公園探索歷險課程 2018-19
「童遊探索隊」
適合年齡：4至5歲
課程日期：2018年12月21日至2019年2月10日；2019年4月14日至2019年4月28日（3個半天課程）
上課時間：上午9時至中午12時15分（上午班）或下午2時15分至5時30分（下午班）

「樂遊探索隊」
適合年齡：6至8歲
課程日期：2018年12月17日至2019年2月11日；2019年4月14日至2019年4月28日（4天課程）
上課時間：上午9時45分至下午4時15分（全日制）

「夜遊海洋歷險記」
適合年齡：8至11歲
課程日期：2018年12月23至24日；2018年12月30至31日； 2019年1月19至20日；2019年2月8至9日；2019年4月26至27日；2019年5月11至12日（2日1夜課程）
上課時間：下午2時30分至翌日上午11時

報名及查詢
電話熱線：3923 2323 （選擇語言後，按「4」字聯絡海洋公園探索及教育部）

網址
官網 https://goo.gl/iq7MRY
童遊探索隊（適合4至5歲）https://goo.gl/YcEBjz
樂遊探索隊（適合6至8歲） https://goo.gl/qKoHU1
夜遊海洋歷險記 （適合8至11歲）https://goo.gl/Xh2fpo

Presented By Ocean Park Hong Kong