「好小事啫！駛唔駛咁緊張呀？」旁人眼中嘅小事 對BB都係大件事

BB嘅肌膚幼嫩、抵抗力又弱，有時出現小小症狀，可能係平常大人眼中係微不足道嘅小事，但喺媽媽眼內都會將呢啲症狀放到無限大，令媽媽好緊張同擔心！

1. 便秘

平常人覺得三日以上嘅便秘冇咩大不了，但喺媽媽眼中，BB一日冇大便都會覺得唔安落，當BB幾日冇大便，甚至便便因為太乾太硬而刮損BB嘅肛門、引起肛裂同出血，令BB痛苦而爆喊，媽媽都同樣會心痛到爆！通常最令媽媽頭痛嘅係BB有過一次痛苦嘅排便經驗之後，會因為怕痛而唔敢再大便而死忍，下次同樣會因為大便乾硬而再出血，形成惡性循環 ！

2. 鼻塞

大人傷風感冒有鼻塞係好平常嘅事，但BB流鼻水或鼻塞嘅話，因為唔識得擤鼻水，媽媽就會好擔心BB會抖唔到氣而窒息，只能用吸鼻器將BB鼻內嘅鼻涕移除重。但BB嘅鼻非常敏感，會好抗拒用吸鼻器，會不停掙扎痛哭，但媽媽為令BB可以暢順呼吸，都要狠心做繼續做，但內心同樣好唔捨得BB受苦。

3. 撞嚫跌嚫

大大會覺得細路仔成日跑跑跳跳，撞嚫跌嚫係好平常嘅事，會唔理解點解BB撞嚫少少，媽媽就會咁緊張。事實上，嬰幼兒嘅骨骼好脆弱，特別係頭部，好容易造成骨裂、甚至令腦部受損，所以撞傷嘅嚴重性比年紀稍大嘅兒童大。加上嬰幼兒唔識用言語表達自己，只能夠依靠大人向醫生傳達BB嘅異常表現，媽媽自覺責任重大，當然會好緊張！

Text: Mami Editorial