帶BB打唔打流感疫苗好? 媽媽最擔心嘅3件事

帶BB打唔打流感疫苗好? 媽媽最擔心嘅3件事

家庭關係
Byrachel.lo on 28 Nov 2018

BB自一出世起,就需要接種唔同嘅疫苗注射,雖然知道疫苗可以為BB提供唔同嘅保護、避免BB感染嚴重嘅疾病,但係一見到BB打針時痛哭流涕嘅樣,媽媽個心都會同BB一樣咁痛。政府給予嘅疫苗,媽媽好似冇選擇嘅餘地,覺得既然個個BB都要打,自己個BB自然都要打; 但對於一啲可以選擇打唔打嘅疫苗,如流感疫苗,媽媽內心就會掙扎,究竟打唔打好呢?打咗固然可以令BB減少染上流感嘅風險,但又會擔心以下4件事:

shutterstock_323969387

1. 仍然會中流感

而家嘅病毒只有愈嚟愈勁,睇新聞都會見唔少小朋友感染流感而出現嚴重併發症/死亡嘅個案,令媽媽們人心惶惶。但流感都有分好多種,而流感疫苗並唔能夠對抗所有類型嘅流感病毒,所以即使接種咗流感疫苗,仍然有機會染上流感,只係如果恰巧BB中嘅流感係疫苗所針對嘅類型,可以減低BB出現嚴重併發症嘅可能,亦會加速BB復原。

shutterstock_737257471

2. 疫苗過敏風險

每種疫苗都有機會出現副作用,流感疫苗嘅副作用包括接種處出現痛楚、紅腫、發燒、肌肉疼痛 、疲倦等症狀,亦有可能會出現嚴重嘅過敏反應如風疹塊、口舌腫脹或呼吸困難等,雖然機率唔高,但邊個可以保證唔會發生喺自己嘅BB身上?對媽媽而言,梗係非常唔想自己嘅BB冒風險。

廣告
廣告

shutterstock_648958369

3.白捱一針

凡9歲以下從未接種過流感疫苗嘅兒童都需要接種兩劑疫苗,而兩劑疫苗嘅接種時間至少相隔4個星期。通常接種第一劑嘅疫苗有效率只有兩成,只有接種埋第二劑先可以大大增加疫苗嘅效用。但如果小朋友接種第一劑後出現過敏反應,醫生就會評估小朋友可唔可以完成埋下一次嘅疫苗注射,如果唔得嘅話,分分鐘令小朋友白捱一針嘅痛楚。

shutterstock_332362586 (1)

打針又怕有副作用,唔打又怕病,兩邊都有風險,做媽媽有時真係好難取捨!

Text: Mami Editorial

 

Share to Facebook