BB返幼稚園令爸媽期待嘅3樣嘢

BB開始大要返幼稚園，雖然爸爸媽媽一定會好擔心BB，係度諗到底BB適唔適應到學校生活、會唔會比其他同學仔蝦等等⋯⋯

但呢個係所有小朋友必經嘅階段，爸爸媽媽與其擔心咁多，不如比多啲信心自己同小朋友，一齊去期待下BB會有咩表現。

以下三樣嘢一定會令你更期待BB返幼稚園：

1.唱歌

幼稚園經常會有唱遊活動，透過唱歌做動作教小朋友唔同知識。

每當BB學校唱完，返黎一定會興高采烈咁唱返比你聽。

可能第一次聽，你唔會知BB到底唱緊咩，但經過一日一日，你會慢慢聽得明BB唱咩，又或者你會透過佢地做嘅動作大概估到歌詞含意。

到時你又會陪佢一齊唱下，就會發現原來BB不知不覺間一日比一日進步。

2.勞作

幼稚園成日都有勞作堂，可能只係填下顏色、做下小手工或者簡單畫下公仔。

可能BB講嘢未係好叻，未識用言語好明確咁表達佢諗咩。

但透過呢啲勞作，不妨去諗下點解BB會咁樣畫、咁樣表達，可以睇到你唔知嘅BB內心世界，亦會發現小朋友嘅思維係原來係咁純真可愛。

3.表演

每到學期尾，學校都會為唔同年級嘅小朋友提供表演機會。

可能會唱下歌、做下話劇、跳下舞，但呢啲都係你前所未見、亦唔會估到BB原來可以做得到嘅嘢。

Text: Mami Editorial