北角有小學爆發流感 4名學生對甲型流感病毒呈陽性反應

北角漢基國際學校（小學部）有20人出現流感病徵，當中有4名學生嘅鼻咽拭子樣本對甲型流感病毒呈陽性反應。

受影響有10位男學生及9位女學生，年齡介乎10至11歲，另有1名女職員。學生及職員先後出現咳嗽、喉嚨痛和發燒等病徵。全部人已經求醫，無須入院，現時情況穩定。衞生防護中心人員已視察學校，而學校正接受醫學監察。

衞生防護中心發言人指，學童如出現發熱，不論係唔係有呼吸道感染病徵，都不應該返學，並盡快求診，直至退燒後48小時。學校亦應正確量度紀錄學生體溫。

根據過往流行病學情況，冬季流感季節一般會在每年1月至3或4月間出現。由於人體喺接種疫苗後需約2星期產生抗體，中心呼籲合資格人士盡早接種流感疫苗。流感可於高危人士引致嚴重疾病，而健康人士亦會受影響。基於流感疫苗安全有效，所有年滿六個月或以上人士，除有已知禁忌症外，均應接種流感疫苗，保障個人健康。

Text：Mami Editorial

Photos：Shutterstock

Sources: 衞生防護中心