生完BB轉變好大 令新手媽媽失落嘅4件事

新手媽媽生BB前後有好大分別，由做人老婆變成做埋人媽媽，責任大咗好多。面對呢個轉變，媽媽都要時間適應，原來以下5件事都令新手媽媽覺得失落，老公們知道後要錫多啲老婆！

1. BB唔再喺肚入面嘅空虛

BB喺媽媽肚入面40周，媽媽做任何事都同BB一齊，嗰種親密程度其他人完全感受唔到。雖然生完BB後，BB真實嘅放喺媽媽眼前係好感動，但隨之而來係疲累嘅湊B生活，媽媽有時會好掛住BB喺肚入面嘅感覺，可以陀住BB周圍去。

2. 無晒私人時間

由BB出世一刻開始，媽媽注定失去以前嘅自由，唔可以隨時做自己鍾意嘅嘢，同時開始絕對唔輕鬆嘅湊B生活，眼前只有BB，餵奶、換片、氹瞓覺⋯⋯沒完沒了，點會有私人時間。雖然見住BB健康成長係開心事，但媽媽亦好懷念以前嘅生活。

3. 一個人做唔停冇人幫手

如果媽媽生完BB後，有人幫手一齊湊BB或做家務，相信媽媽面對呢個轉變唔會太吃力。不過，只得媽媽一腳踢嘅話，冇人支持想唔失落都幾難。

4. 回不去嘅身形

媽媽生完BB除咗多咗個BB，仲多咗一團肉，身形大不如前，要同以前嘅窈窕身材講再見。一來媽媽忙於湊BB冇時間減肥，二來餵緊人奶又唔係減肥嘅時候，照鏡見到自己嘅身形好沮喪。

Text: Mami Editorial