原來佢都係高敏食物？

由於bb身體機能發展未成熟，所以初生起就被限制左只可以飲奶。

正所謂，食不到的葡萄是酸的。

正因bb唔可以食大人食嘅嘢，搞到大人食嘢個陣，bb都會係隔離眼金金，但又冇得食。

終於踏入六個月，bb可以開始加固，媽媽緊係想咩食物都比bb試下。

但小心一不留神，就比左高敏食物比bb試。

最為人熟識嘅高敏食物有奶類、芝士同蛋，但原來仲有以下3個常見但高敏嘅食物，媽媽們千其唔好比佢地呃到。

1.橙

一般建議BB 12個月後先進食。

2.蕃茄

一般建議BB 10個月後進食。

3.茄子

一般建議BB 8個月後進食。

係咪無諗過原來咁常見嘅食材，都有可能係高敏食物。所以媽媽每比一樣新食材BB試，最好試3日，確保BB無異常情況。

如果唔小心比左高敏食物比小朋友食，媽媽們亦唔洗緊張，只要留意BB係進食後30分鐘至2小時內有冇出現食物敏感嘅徵狀。

普遍食物敏感徵狀為皮膚過敏，如紅腫、痕癢、出疹等等。而症狀亦會隨時間而減弱。

萬一出現嚴重問題如呼吸困難，就需要立即求醫。

Text: Mami Editorial
Photo：Pinterest