【BB剪指甲好煩惱 硬住頭皮都要剪】

唔知有無媽媽會煩惱點樣幫bb剪指甲(由其係新手媽媽），我就曾經有呢個小煩惱啦，小b爸同我一樣都好怕會剪到小b出血（可能我哋比較騰雞）不過做媽媽嘅都無理由由得佢d指甲長到黑山老妖咁架嗎，而且小b初初因爲有濕疹成日抓面抓身，所以硬住頭皮都要剪！

有見及此我試過坊間幾款比較大路嘅指甲鉗

第一：bb指甲剪，初生b比較適用

因為初生b指甲較軟，用指甲剪會易剪到指甲

剪法：禁住bb手指肉令指甲突出剪去多餘指甲

缺點：唔小心的話好易剪到bb

第二：bb指甲鉗

應該最多家長用

用法同第一款差不多

缺點：都係會剪到bb

第三：電動指甲挫

比較適合2-3過月後嘅bb

買佢係因為好怕用指甲鉗剪到小b，所以就買咗，一般大型百貨公司售$3xx我係開倉買$2xx足足平一百架！

用法：佢有6個頭可以選擇，一般我只係用頭2個幫小b挫指甲嘅，機身換唔同頭就可以，呢個挫真係好用，因為可以好安全幫小b剪到指甲同腳甲而且仲唔會整損添

但佢都有個小缺點就係會有聲，但凡用電嘅嘢都一定會有聲，小b大約6個月多瞓著咗一用佢就會醒！

第四：成人用指甲挫

呢個已經成為咗我至愛之選

因為佢無聲，安全又夠薄

小b開始大啦指甲都開始硬咗小小，如果用有厚度嘅指甲挫的話會挫得唔夠貼，而且佢成日都好知醒，係挫指甲嘅過程都會郁醒佢，所以一支方便嘅指甲挫真係好重要

缺點：每次用完要消毒

不過沒有最適合bb的指甲鉗，只有適合同方便大人用嘅，希望大家都搵到自己最適合用架啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Shan

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！