雖然BB大個唔會記得 但媽媽好想同BB做嘅4件事

喺媽媽心目中BB係最重要，想同佢一齊經歷好多唔同嘅嘢，即使BB大個唔記得自己細個時做咗啲咩，但媽媽記得就夠喇，以後諗番都值得回味。根據非正式調查，原本媽媽好想同BB做呢4件事。

1. 去主題樂園

個個小朋友都鍾意主題樂園，見到啲公仔同卡通人物就開心，入到去總會令大小朋友都好歡樂。媽媽好想帶埋BB去感受吓、影吓相，BB大個睇返都開心。

2. 影初生相

好多媽媽都想留住BB初生嘅可愛模樣，睇住BB擺好多甫士，仲可以著啲得意衫仔影相，爸爸媽媽又可以同BB影埋親子相，算係一個留念。

3. 開生日會

由BB初生湊到佢一歲，呢一年好唔容易過，而BB亦健健康康一歲，當然好值得慶祝，媽媽想邀請身邊嘅親朋好友一齊見證，分享BB成長嘅喜悅。

4. 去旅行

有人會話BB咁細個去旅行好浪費，佢唔會記得自己遊覽過嘅地方，而且舟車勞頓BB好容易病。不過，喺媽媽角度就係想去邊都帶住BB，想佢都一齊睇下唔同嘅風景，仲有BB機票唔使錢，趁有機會咪帶佢去旅行。

Text: Mami Editorial