簡單紀錄生理週期唔洗再驚錯過懷孕黃金機會

By race.cheng on 14 Nov 2018

有時唔係想有BB，就會有BB，要成功令小天使來臨都需要具備天時、地利、人和，當然自己又要做一大堆準備！身體準備不在話下，心理準備都會好影響懷孕機會，唔知大家計劃懷孕嗰陣，有冇發現真係好大壓力，又要記住生理期，又要把握時間，反而最後影響到受孕機會，究竟有咩可以幫助大家成功造人呢？

瑞士有隻女性健康追蹤智能手環，可以幫你追蹤荷爾蒙週期同檢測5天嘅受孕窗口期，唔洗下下打開個APP自己紀錄生理期，只需瞓覺嗰陣戴住，咁第朝就可以有整個分析，包括：生理週期透視同健康數據。用家可以透過分析身體狀況，了解自己生理壓力水平、靜息心率同生活方式係唔係維持最佳健康狀態，當然唔少得係分析睡眠時間同質素。

相信大家好多時都會用APP去紀錄生理週期，然後透過APP提示自己，可惜，普遍市面上嘅APP都係按照用家輸入嘅資料，然後靠公式計算。大家都知道其實每月嘅生理期，排卵期都會唔同，會因為身體狀況，壓力而改變，要準確把握懷孕機會唔容易。

但依隻手環會測量幾個重要生理參數，包括脈搏率、呼吸率、心率變異性同體溫，並測量直接受生育荷爾蒙雌二醇同黃體素影響嘅生理參數，更加準確分析懷孕機會，實時檢測女性嘅荷爾蒙週期。

依款智能手環據知係全球唯一受FDA認可，並喺蘇黎世大學醫院進行嘅臨床研究中，獲證實每個週期能平均實時檢測 5.3 天嘅受孕日子，準確率為 89%！懷孕後都可以繼續用，因為手環可以幫助獲取每週懷孕情況，繼續追蹤睡眠、生理壓力同靜息脈搏率，將每週增加嘅體重同建議標準體重進行比較，唔洗媽媽們下下要自己記低咁麻煩！