想屋企嘅小朋友健康，特別係細小嘅BB，就一定要注意日常衛生呀！

好多新手媽媽會發覺自己突然好似患左潔癖咁，其實都唔係嘅，小朋友抵抗力係比大人弱，尤其初生BB，日常嘅基本衛生真係好重要，就好似以下幾點，被好多人都忽視，其實好重要㗎！

1. 回家要換衫

  出街嘅時候，接觸到病菌嘅機會好多，所以返到屋企應該要即刻洗手洗面，同埋換衫，咁樣可以大大減低將病菌帶到BB身上嘅機會。如果去過醫院或接觸過病人，最好沖埋涼呀。

2. 照顧BB前洗手

洗手真係好重要，常洗手係可以減少傳染性疾病嘅有效方法。除左食嘢前、如廁後，照顧BB前都應該要洗手，因為BB成日都會放手仔或者佢拎到嘅嘢入口，好容易會畀機會細菌㗎。仲有，同BB換完片片都要洗手㗎。

3. 病左要帶口罩

如果病左，照顧BB時要戴口罩，可以大大減低病毒傳染畀BB嘅機會，雖然可能係煩啲同埋唔舒服，但係換黎可以較安心咁抱BB，係相當值得嘅。

如果大家都保持衛生，媽媽們就唔駛長期進入緊張防衛狀態咁喇。

Text: Mami Editorial

Photo Source: Pinterest