小朋友唔想瞓覺嘅時候，會駛出佢地所有絕招。

小朋友好多時為左想見多爸爸媽媽一陣，或者玩多一陣，就算攰攰，都唔肯瞓。爸爸媽媽，你地係唔係都遇過無數次以下嘅情況呢？

1. 撩爸媽傾計

小朋友好識得搵「吹水」話題，如果爸媽唔應佢地，佢地就會咩都講吓，搵盡辦法令你應佢，同佢傾多幾句。

2. 話口渴

平時鍾唔鍾意飲水嘅小朋友，喺佢唔想瞓覺嘅時候，都會主動要求想飲水，不停話「好口渴」，但又只係飲一兩啖。

3. 話肚餓

明明晚飯食得幾好，應該唔會肚餓，但就話自己好肚餓。畀一杯奶佢飲，就會飲一半就放低。

4. 話怕黑

已經有平時一樣嘅光線同夜明燈，但係都要爸媽陪佢瞓，話怕黑同埋「驚驚」，爸媽又點會分唔到佢真驚定假驚，不過都係會留低陪佢一陣，其實都係想小朋友早啲瞓，有足夠嘅休息。

 5. 想去小便

為左可以離開睡房，出去行個圈，話去「wee wee」都係最常用嘅一招。

6. 拎番或者擺番好啲嘢

總係有啲嘢要出房外面拎番，最多嘅係毛公仔。又會有啲嘢要擺番好，例如：圖書、玩具、貼紙……等等。

Text: Mami Editorial

Photo Source: Pinterest