【人奶會有咁多問題 生完先黎惡補下】

記得係醫院個3日比西瓜妹日日埋身，最後2邊蓮妹都受傷所以出院第一件事係要泵出黎，要佢用樽(我本人無乜埋身情意結)，反正泵出黎都係一樣嘅奶，但懶惰嘅我，生之前根本無諗過原來人奶會有咁多問題，生完先黎惡補。

-

️泵奶器

生之前，家姐好堅持話比佢個個我，正所謂人夾泵，唔係款款泵都岩大家用，佢比我個個係優合雙泵，我出院第一日已經用，泵個個力度速度都可以自己調節，但我較極都係泵都唔舒服，仲要烏低身泵，仲要漏左d奶，所以要物色過一個新泵！而我心水個部係avent單泵款，最後問唒大家意見，決定好就嗱嗱聲叫我老公出去買！

本身都考慮雙泵，但用完優合個個，又要烏身又要拎住，所以我係放棄我都想多隻手出黎做下其他野。最後我可以話比大家知，我真係買岩左泵性價比都好高，成日見人網上讚仲擔心會唔會係廣告，最感動我終於可以坐直個人同無再漏d奶出黎啦！

依個泵陪住我呢10日，由1安上到6安好開心，我已經3日無補奶粉開始全人奶啦yeah！

-

️儲存方法

關於呢個人奶儲存問題，我係好想多謝一位媽媽朋友，佢早我1個月生都係餵人奶，我番屋企後遇到既人奶問題 都係佢續一解答我多謝你！

新鮮泵出人奶可以放室溫，儲存建議(香港母乳顧問中心貼文)

-

37C 以上 :直接飲用，或置入雪櫃／冰袋保鮮

25C - 37C : 4小時內直接飲用

15C - 25C :8小時內直接飲用

5C - 15C :24小時內直接飲用

-

冷藏 儲存建議(參考健康院派發小冊子)

室溫(25-37度)-4小時

雪櫃-冷藏格(2-4度)-5日

冰格(-18度或以下)-3個月

獨立冷藏櫃(-20度)-6個月

冰袋加冰種-24小時

-

️泵奶時間

我記得頭2日咩都唔識，跟埋身餵時間一樣咁泵，2小時一次，泵到我要生要死，又無得訓！

同個位媽媽朋友呻完，佢即刻話：你先第5日，有無咁多奶要泵？無可否認，我真係好擔心自己無奶。

之後佢教我要調整好時間，3小時泵一次，每邊7分鐘，重複4次，合共28分鐘左右。的確規律左，奶量都穩定番，依家第13日，開始將時間拉長多30-60分鐘，等自己可以休息多d。

-

️人奶便便

母乳係會有輕瀉作用，次數可以多至7-8次，我個女痾到patpat都紅唒，要搽野心都痛埋！
-
上星期，係我未完全上奶，仲需要補2餐奶粉既時候，我老公倒瀉左我泵左成個鐘先得個2安既奶，仲若無其事最後一路泵奶一路喊，人奶媽先明，人奶路唔容易行！

-
day8去健康院，醫生話無黃同收水後，番去出體重令我餵人奶決心更大！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：西瓜媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！