擔心抱得BB多會寵壞BB？ 研究：擔心係多餘！

當聽到BB喊，爸爸媽媽有時內心都會好掙扎：究竟應唔應該即刻去抱BB呢？一方面唔忍心BB喊咁耐，另一方面又怕經常抱BB會令BB因為抱慣咗而會變得更扭計同扭抱。但美國嘅心理學家團隊就否定呢個講法，仲話研究發現被抱得多嘅BB反而有更健康嘅心理，生活更幸福！

美國大學嘅心理學家研究團隊曾研究超過 600 名成年人嘅童年經歷，主要探討父母係咪經常抱他們、一家人係咪經常相聚、係咪有好多自由玩嘅時間等。

結果發現喺嬰幼兒同童年期經常得到父母愛撫、擁抱同照護嘅人，長大之後唔單止唔會極度依賴父母，反而會有更健康嘅心理狀態同自如嘅社交生活，總體而言，呢班人生活得更幸福。

這個研究意味著當爸爸媽媽給予子女嘅關愛愈多，子女長大後就會愈容易感到幸福。

研究團隊解釋，好多父母擔心BB一喊就抱會寵壞佢，但其實喺BB 0 到 1 歲嚟講，呢個擔心係多餘！因為呢個時期嘅BB喊都係出於本能需要擁抱、安撫同肢體接觸，呢啲舉動都有助BB嘅一切系統發育。爸爸媽媽應該迅速回應孩子嘅需求，而唔係放任BB喊。

Text: Mami Editorial