陀住BB，原來有幾樣嘢會方便咗喎。

孕媽媽嘅身體變化，令佢地無論行、企、坐，定係瞓覺，都好唔舒服同唔方便。不過細心諗下，都有以下幾件事係方便咗嘅。

1. 月事唔會黎

只有女性先會明白月事嘅唔方便，由讀書年代到到出黎做嘢，每個月都要煩一次，除左周身唔舒服之外，好多時仲會有經痛呢個問題。懷孕之後，月事就暫時唔會嚟搵孕媽媽喇，而餵母乳畀BB嘅媽媽，月事仲會再遲啲先嚟添！

2. 唔怕著衫現到小肚腩

唔再擔心有啲衫遮唔到個肚腩，因為懷孕就算肥咗少少都係理所當然嘅，加埋肚入面嘅BB幫手，圓圓嘅線條，反而變得好美！

3. 有藉口唔去無興趣嘅聚會

遇着唔想去嘅聚會或者應酬，唔洗再怕唔好意思，直接話比對方知需要休息同安胎就可以喇，因為大家都知道孕媽媽係好需要休息多啲嘅。

孕媽媽，你地又有冇搵到其他大住個肚帶黎嘅方便呢？

Text: Mami Editorial