【好物推介 EZVIZ C6T IP Cam 攝錄小魔球】

EZVIZ IP Cam 終於入手,相信好多家庭都需要佢,超好用!以後我出街唔駛心掛掛，隨時隨地都可以睇到小朋友係屋企嘅情況！仲可以即時對話,電話都唔駛打呀～其實係比返工既爸爸得閒可以望下呀仔,心情都好啲！咁就落力啲搵錢啦!

仲好啱有工人嘅家庭、有養貓狗竉物嘅你!呢個幾百蚊個，真係好抵用！

外型圓球狀，好似魔法球！我叫佢做「小魔球」，冇咁多罅隙，唔會攝塵容易清潔啦！

規格

型號：CS-CV248-A0-32WFR（簡稱 C6T）

網絡：802.11n Wi-Fi，2.4GHz 頻譜

解像度：1,920 x 1,080（200萬像素）

儲存：microSD卡（最大 128GB）／EZVIZ 雲端（即將投入服務）

紅外線夜視：最多 10 米距離、2 盞紅外線夜視燈

旋轉角度： 左右 340°／上下 90°

鏡頭角度：橫向 95° 廣角鏡

體積：100×100×90mm

3米超長電線，放到任何角落都冇問題！除左座檯之外，C6T 跟機亦附有掛座，可以將IP Cam 倒掛在天花板上，仲有中文說明書，跟住步驟做超簡易安裝！

只要下載 EZVIZ APP（免費），幾分鐘就完成安裝！非常簡易，我對電子野係白痴都整到

首先按「新使用者註冊」登記

掃描機底上的QR Code

記得將「小魔球」插上電源啊

連接 Router Wi-Fi

跟着指示將電話放喺「小魔球」側邊，會發出嘟嘟響聲～

連接中～

約1分鐘已連接完成

跟住設定埋時區、日期就完成了

檢視攝影機就見到呢個功能表畫面，鏡頭焦距是 4mm，橫向視角達 95°，畫面比一般更廣濶！

第一個水平傾斜按扭，可以自行上下左右移動鏡頭。左右旋轉 340° 和上下轉動 90°

大家有冇留意到最下面功能表只顯示到一半，因為初媽用緊IOS12，已問代理表示十月中可更新版本。

360°照片，可以拍照全景照片，Ip cam自轉一圈就影到一張長長照片，EZVIZ雲端即將開通，到時可以在雲端下載照片了。

自動追蹤功能，只要開啟了動作追蹤，鏡頭會跟住任何移動的轉動，圖片小朋友在收拾玩具，鏡頭可跟隨小朋友移動！

跟著我好喜歡這個功能！私隱權模式，當啟動按扭後，鏡頭會反向後方自動遮蓋關閉鏡頭，因為一家人回家後都唔駛再監察環境，有個鏡頭都唔係咁自在～開了這個功能就會停止錄影、動作偵測、關閉鏡頭和收音咪，保障私隱啦！

影片品質可以選擇標準、高清720p、Ultra HD 1080p畫質，如果出咗街，可以用標準768 x 432畫面睇，咁就可以慳返啲數據啦！

仲有雙向通話、即時拍照錄影、同時顯示 4 支 IP Cam 等功能⋯

夜晚唔使怕！有2 盞紅外線夜視燈，夜晚不見五指都能夠攝錄到！

最多 10 米距離～黑暗中畫面都可以清晰可見！

支援128GB 的 microSD 卡錄影，其實 「小魔球」都支援雲端錄影服務，之後香港伺服器會投入運作，開通後就可以儲存影片係雲端啦！

非常喜歡「小魔球」外型，不易藏塵，容易清潔～高清畫質，功能滿足我要求！而且手機app操作簡單易用，性價比高！超級推介比大家～

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：初初媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！