【Nursery Class面試初體驗 小朋友表現會令你另眼相看】

話說今日海豹寶寶第一次去面試，其實香港既教育制度係好殘忍，人仔細細就要面對現實。

你話其實我可以揀俾唔讀N班，係既，我可以俾佢淨係讀playgroup

所以我都以一試心態去面試。

我唔會迫佢做任何反應，一切順佢意思做，面試前我冇特別訓練

第一佢咁細都唔識嫁啦

第二我唔想佢驚左呢件事

但其實我都好期待去睇下海豹寶寶面對咁既情況有咩反應，今次去既係將軍澳某N班，對於海豹寶既衣著，我都係著返有領衫就算，而我當然著得斯文，去到登記完就分班面試，只可以一位家長陪同，入到去老師就叫我地自己搵位自己玩，其實呢個時候已經係面試中，玩既途中老師就行過黎面試。

老實說..係面試我，問我點解揀呢間學校、邊個照顧bb、平時bb鐘意做咩、唔鐘意咩，當中都有要海豹寶寶俾反應既，全程英語作答，玩完就要一齊執玩具，之後就成班（我果班得5組）一齊唱遊，又睇下bb們識唔識聽instructions..

有冇扭計同喊，成個過程我都好留意我個仔既反應，我都諗緊佢會唔會驚陌生環境同陌生人，佢真係好surprise 到我佢完全冇扭計同喊，超乎我意料之外，成個面試過程都45分鐘，佢完全係全定定，當媽的十分欣慰，至於面試既結果

我覺得唔重要，係呢個過程令我再了解多d海豹寶寶，希望佢搵到一間佢覺得開心既學校返學啦！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：海豹媽媽

Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！