胎兒每周成長得好快 究竟喺唔同周數有幾大？ 生果對照圖話你知

孕媽媽望住個肚一日比一日變大變重，有冇諗過BB嘅尺寸究竟有幾大呢？BB嘅身體發展又去到邊個階段呢？

1至5周：

BB屬於發芽階段，型態類似海馬。

5至7周：

開始生成神經系統、心臟分化心室，主要器官同大腦正式啟動。

6至8周：

第8周可以分辨出臉部嘅眼、耳、口等器官，頸部已經成形。

9至10周：

胎兒開始成人形，神經管發育大致完成，開始發展較細微嘅部位，如手指甲等。

11至13周：

胎盤發育已經完成，頭部體積比身體大好多，五隻手指已分開。

14至15周：

胎兒已經會開始活動，但孕媽咪未必感覺到胎動。

16至17周：

胎兒開始長出胎毛。

18至19周：

可以睇得出胎兒嘅性別。

20至21周：

四肢、眼睛、鼻子已成形，大部分器官都可以檢查得到。

22至23周：

內臟器官都已發育完成。

24至26周：

胎兒聽到母體內聲音，大腦對觸摸已經有反應，視覺亦有發展，開始可以睜開眼睛。

27至28周：

胎兒長出頭髮，聽覺神經系統已發育完全，對外界聲音刺激反應亦更明顯，開始建立自己嘅睡眠週期。

28至30周：

胎兒形成皮下脂肪，手指甲已經變得清晰，大腦發育非常迅速，胎兒的骨骼、肌肉和肺部發育正日趨成熟。

31至32周：

胎兒肺部同消化系統已發育完成，胎兒大概已經能夠睇到子宮嘅景象，胎兒全身嘅皮下脂肪更豐富，已經似一個嬰兒嘅外貌。

33至35周：

胎兒身體變得圓潤，呼吸系統、消化系統發育已近成熟，有啲胎兒頭部已經開始降入骨盆，壓住媽媽嘅子宮頸口。

36至37周：

胎兒足月喇！媽媽隨時可能會分娩。

38至39周：

胎兒繼續長肉，呢啲脂肪儲備將會有助於BB出生後調節體溫。胎兒身體各部份器官已發育完成，其中肺部係最後一個成熟嘅器官，喺BB出生後幾個小時內先能夠建立起正常嘅呼吸模式。

40至42周：

大多數胎兒都將會喺40周出世，但真正能夠準確咁喺預產期出世嘅BB只有5%，提前兩周或推遲兩周都是正常。但如果推遲兩周後仲未有臨產跡象，媽媽就需要聯絡醫院，並採取催產等措施將BB盡快生出嚟，因為胎兒過熟亦會有危險。

Text: Mami Editorial