【老一輩成日話缺鈣缺鈣，亂補鈣小心越補越錯！】

自從僑蛋出世，我聽得最多既其中一樣就係缺鈣兩個字。

喂人奶？好易缺鈣播

未出牙仔？缺鈣啦！

食咁少野缺鈣呀！

半夜係咁醒？缺鈣呀！

枕禿？缺鈣啦！

總括黎講，無論你點養個B都好，都一定聽過缺鈣呢個詞語。久而久之媽咪都會懷疑，唔通真係缺鈣？不如幫呀B補鈣啦！反正補多好過補少呀嘛！好似話補多啲鈣又會生得高啲！

錯錯錯錯錯呀！

你以為補鈣無咩野？小心無心之失害左呀B呀！到底洗唔洗補鈣係要醫生判斷咖！

過度補鈣會有咩徵狀？

1）囟門過早閉合

2）厭食，唔食飯

3）消化唔到，便秘

4）可能出現白內障

5）骨骺提前閉合，影響長骨發育，導致生唔高

咁到底一日要有幾多鈣先係足夠？

其實正常日常裡面已經有好多方法吸收鈣質咖啦！

平時奶粉呀，人奶到已經有鈣。

食多啲含有維生素D既野都有助鈣質吸收，平日推呀B落街不妨比佢曬下太陽呀！

煮食方面可以煮：

黑芝麻，芝士，麥片，豆腐，芥蘭，莧菜，豆腐，蛋黃，菠菜，紅蘿蔔，奇異果等等

總括黎講，奶量正常，加固正常既BB都唔需要特別去補鈣咖！

如果有懷疑呀B缺鈣最好都係直接咨詢醫生，千其唔好自己亂試呀！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：僑蛋媽

Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！