最怕BB食得少 唔同月齡BB每日飲奶量都唔同 奶量幾多先足夠?

爸爸媽媽每日最關心嘅，一定係BB飲幾多奶同有冇便便，因為呢兩項係最直接影響同反映BB健康狀況嘅指標。BB喺出世後頭6個月，奶係唯一嘅營養來源，奶量嘅多少係最影響BB成長曲線嘅重要因素。所以爸爸媽媽每次帶BB去健康院檢查時，姑娘都一定會細問BB嘅飲奶情況，評估BB嘅健康發展。究竟唔同月齡嘅BB飲幾多奶先夠？親餵母乳嘅媽媽又點知BB飲得夠唔夠奶呢？

根據衛生署嘅資料顯示，唔同月齡嘅BB飲奶量如下：

而BB嘅大、小便或體重有以下情況，都顯示BB嘅奶量足夠：

小便：
出生後首兩天每天會有1至2塊濕的尿片
在第三、四天每天最少有3塊較之前濕的尿片
第五天起每天最少有5至6塊相當重的濕尿片(每塊片約有3湯匙水的重量)，小便透明或淡黃色

大便：
出生後的五天內，由胎糞轉為黃色大便
質地由最初較稀爛、呈糊狀，逐漸變為柔軟及帶有小顆粒

爸爸媽媽要注意嘅係，BB喺出生後頭幾日，會有輕微嘅生理性體重下降，不過會喺約1至2星期後會回復出生時嘅體重，然後體重會穩步增長。BB喺頭4個月，每個月都會有最少0.5公斤嘅體重增長。

BB會按生長需要而調節奶量，所以爸爸媽媽或者會發現BB有時會連續幾日飲多咗奶，然後又有幾日飲少咗奶。如果BB表現活潑，生長又正常，爸爸媽媽就唔駛擔心！所以唔需要執着於BB每餐飲奶分量要一致，亦唔需要勉強BB飲晒奶樽嘅奶。

Text: Mami Editorial

Photo Source：衛生署