【中秋親子好去處──歐陸中秋嘉年華】

中秋親子好去處──歐陸中秋嘉年華

每逢佳節，外國不少地方都會舉行市集式的嘉年華慶祝，好似聖誕市集，就是不少香港人遊外國的必到景點。有時都會想，如果中國傳統節日，例如中秋節，都可以有類似的市集讓民眾狂歡，必然更熱鬧。

今年終於俾我恨到！我發現今個星期六起一連四日，在觀塘海濱會舉行歐陸中秋嘉年華（免費入場），不但可以享受到好多具歐洲特色嘅美食外，最好嘅地方係有好多親子活動，大人細路都啱玩，唔會悶親。以下親子活動係我嘅心水推介：

• 阿仙奴足球學校小球員足球表演

有必要講明，我因為老公關係，所以係利物浦FANS。我強烈要求下次要搵利物浦足球學校XD。不過大人嘅鬥爭係唔應該影響啲小朋友LOL，我依然推介呢個阿仙奴（香港）足球學校精英隊U9嘅小將表演。淨係睇一班小朋友努力練習嘅成果就已經夠哂熱血，而且表演是免費觀賞的啊。參與者更可以即場體驗佢哋精心設計嘅足球活動！～表演時間：2018年9月22日（星期六）下午5:00

• 桌上足球與沙壺

兒童天地絕對唔係求其SET個波波池就當有，大會特意同「創意運動協會」合作，透過玩「桌上足球POOLSOCCER®」、「桌上沙壺」，邊玩邊學習STEM原理。桌上足球就用腳玩桌球，桌上沙壺就係喺枱上玩冰壺。不妨讓孩子試多啲新嘅活動，發掘佢嘅潛能啊！～開放時間： 2018年9月22至9月25日中午3時至晚上10時

• 花燈工作坊

以歐陸形式慶祝中秋節，都唔可以失去中秋節嘅傳統特色。與小朋友以環保物料一齊製作一盞獨一無二嘅花燈，就係一個好好嘅傳承活動。藝術家會利用到已經處理過嘅廢玻璃，引導參加者製作出自己嘅專屬花燈，同時又可以灌輸廢物利用嘅觀念！～活動時間：2018年9月23-24日晚上8：00-10:00 

• 字畫燈謎卡活動

大家慶中秋最多咪食月餅玩燈籠，有幾耐未試過猜燈謎，甚至自己製作燈謎卡呢？香港美感教育機構今次就帶咗藝術家蛙王的書法拼貼畫到現場，會教小朋友欣賞書法藝術外，亦會帶領他們運用各類物料，加上書法，拼貼出特色文字，創作別具風格的燈謎卡作為家中的中秋裝飾。～活動時間：2018年9月22-23日下午5：30至6：30

現場仲有美食攤位與手作市集，同埋之前都有同大家介紹過嘅《八大多元智能 + 小學選校策略》講座。呢個講座有超資深升學策略王，前喇沙書院副校趙榮德主講，要預早報名架：https://www.eventbrite.hk/e/49330564045 

Photo from 我個囡準備好帶住佢至愛嘅Hello Kitty燈籠去喇～