BB學識叫邊個先？外國教授話你知事實真相

相信爸爸媽媽都會好期待BB第一個開口叫嘅人係自己，尤其是十月懷胎、生完都不辭勞苦照顧BB嘅媽媽，當然最希望BB叫自己先啦！不過，外國就有教授指出，BB第一個叫嘅原來唔係媽媽，而係爸爸呀！

外國一間大學嘅教授表示，由於BB唔能夠靈活咁運用舌頭，加上受到嘴細細所限，發音會受到好大限制。

BB一般會先發「D」音，可以叫「Dad」；3個月大嘅時候就可以發「G」、「K」同「D」音；6個月時可以發「T」同「N」音；去到9個月大嗰陣，先可以發「P」同「B」音。至於叫媽媽所需要發嘅「M」音，由於需要同時控制嘴唇，所以BB會更遲先學得識。

不過，媽媽都唔駛太傷心！因為專家話，BB雖然會先發「D」音，但對佢哋嚟講都係無意義嘅發音，佢哋唔係真係識叫爸爸呀！當BB聽到自己把聲會覺得好驚喜，先至有動力去繼續學講嘢，所以BB叫邊個先都唔代表佢會鍾意嗰個人多啲㗎！

Text: Mami Editorial