【大人細路都有設施玩 家庭聚會首選】

一直也不太經常帶QB去大型的室內Playroom玩, 一來怕人多, 二來怕小朋友玩得太忘形容易發生碰撞, 三來我也不想在只容下小朋友的遊戲設施, 攀架中彎着腰追着QB, 那實在太辛苦了吧! 近年多了不少以Party Room包場形式的小型遊戲室, 一個能一眼盡覽的環境, 有小朋友玩樂設施, 兼有大人的娛樂, 聚會開Party, 私密度高, 也更放心給小朋友自由玩樂, 家長又難得可以休息或自娛一下, 絕對是雙嬴.

早幾天QB放學後, 約了朋友仔在觀塘新開的Partyroom《 Happy Express 》開心速遞聚一聚. 位於開源道工商廈之上, 地點好找. 場地十分新淨, 有1700呎, 無柱位, 開揚整潔.

Partyroom同時有主題佈景牆, 用了Line Friends 作背景, 開party, 生日會做Backdrop影相已經好靚. 另外又有長梳化, 影合照幾多人都無問題啦.

這班小朋友, 一個坐, 其他又嚷住要坐, 真係好可愛.

遊戲室當然唔少得令小朋友無法抗拒既波波池, QB一見到已衝過去, 二話不說插水式訓落去, 玩得好開心!

另外, 有一些大型積木, 毛毛公仔等, 小朋友最愛唔係玩, 係擲來擲去和搬來搬去, 已經可以玩足大半日XD.

小朋友玩樂角還有滑梯組合和不同的木制玩具.

這個遊戲空間佔全個Playroom三分一左右, 集中在一邊, 幾個小朋友一齊玩, 已經可以消磨好幾個鐘, 而且場地夠大夠濶, 就算小朋友跑來跑去都唔洗擔心撞到或跌到, 媽媽可以坐在一旁傾下計, relax下!

為了迎合不同年齡層既大人和小朋友, 場內亦放置了其他玩樂設施. 例如電子遊戲機, 桌球枱, 卡拉OK等.

幾位小人仔拎住支咪, 你地估下唱緊咩? ....答案係只是在大叫....XDD

看見QB玩得好開心, 簡直可以用樂而忘返去形容.

佢仲揾左個南瓜面具帶, 還不停叫我幫佢影相呢, 真搞笑.

感謝同行媽媽的安排, 還為7,8,9月份生日的小朋友一起慶生! 掹車邊7月, 還有得一齊切蛋糕, QB好興奮呢!

其他設施包括: 獨立洗手間, 嬰兒換片墊, BB椅, 另外包飲品任飲.

適合小朋友的生日派對, 百日宴派對, 親子Workshop, 家庭式聯誼聚餐, 婚前兄弟姐妹派對, 中小企業派對, 私密企理, 又能兼顧不同階層和年紀的朋友需要, 開Party又一好選擇.

《 Happy Express 》開心速遞
地址: 九龍觀塘開源道54號豐利中心8樓801室
查詢電話: 6284 1841

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : QB媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！