由BB出世嗰刻開始，爸爸媽媽就多左一份照顧子女的工作

養兒一百歲，長憂九十九，做左爸爸媽媽，就會完完全全咁體會到。

喺仔囡嘅每個成長階段都會有啲嘢會擔心或者掛心，睇吓以下有冇你最近煩緊嗰一樣？

0-2歲

BB只係會食玩瞓同去便便，但因為未識表達，所以爸爸媽媽，尤其係幻想力豐富嘅媽媽，就一定會將好多唔肯定嘅嘢，轉化為擔心。最緊張嘅一定係夠唔夠肥肥白白，其次就係學習同活動能力，幾時識返身、坐、企同埋行，仲有學講野，稍為遲左少少，都會好擔心。

3-6歲

先係揀幼稚園，過多幾年又要報小學。呢兩個都係令好多媽媽日煩夜煩嘅項目。另外，日常嘅起居飲食、功課和興趣班都係媽媽安排打點，當中要擔心或者勞氣嘅事，相信數極都數唔完。

7-12歲

學業成績同升中學一定係媽媽們主要粗心嘅大事，除左咁，可能仲會要擔心小朋友有無細細個就學人拍拖。

13-18歲

開始踏入青春期嘅青少年，最唔想比父母管束，最容易受朋友影響，要媽媽完全唔擔心，應該無乜可能。

18歲之後

相信都一樣仲會有令媽媽掛心嘅嘢，例如佢地嘅工作啦，伴侶啦……等等。

其實擔心係出於關心，爸媽愛鍚子女係好正常嘅事，不過，有時可以試吓放鬆啲，比啲時間，再觀察下先，好多時擔心嘅問題其實大部份都會自然消失嘅。

Text: Mami Editorial