【BB學識邊句說話感動你？ 簡單一句就刻骨銘心】

正式開學喇！各位爸爸媽媽唔好誤會，我地唔係要嬴在起跑線ge怪獸家長啊~~~ 我地係想搵一間happy school等米豬可以愉快學習，但原來屋企附近d happy school都好搶手，基本上唔由PN開始返，你都唔駛旨意入到佢K.... 所以，咪有返PN ge米豬囉！

14 Aug 2018 - 米豬PN班開學ge日子, 點知3號風波, 唔駛返, 但有個寶寶6點2個字彈起身等返學...... 呃............ 其實你返9點9, 同埋今日打風冇得返學呀仔..........

6點半捉咗阿媽出廳玩ge仔..... 媽媽暈倒梳化

16 Aug 2018

終於真係開學喇~!!! 媽媽我超級感觸~!! 因為返學學代表你開始脫離BB呢個身份, 要成為一個小朋友喇~!!

爸爸送我地返學, 拖住米豬一齊行返學校~ 由於PN個個小朋友都未識講野, 所以一定要有家長/照顧者陪伴, 所以媽媽正式成為伴讀書僮~ 我地一班有12個小朋友, 連埋家長/照顧者, 足足24人响班房走來走去~!! 好熱鬧呀~!!

學校係開放式班房, 冇好劃定咩班一間房, 有好大ge common area比小朋友鍛鍊大肌肉, 不過全校一齊玩就太迫喇, 所以要分開唔同班玩ge時段

米豬一入到門口, 就衝咗去common area隔離個閘度"車車~!!!!!!!!!"

^^^^^

最高峰時係有4個男仔一齊响度"車車~!!!!"

米豬今日好叻仔呀~ 冇喊呀~~~ 反而見到同班有另一個小妹妹喊到冇停, 佢仲想行埋去呵返人地添呀~! 好叻叻呀~!!

不過今日一坐底玩玩具, 就比隔離個同學女搶咗嚕..... 當時佢爸爸已經即刻同個妹妹講, 唔可以搶人地d野ga~ 跟住比返件玩具米豬, 但都未摸到手, 又比個妹妹搶返了... 米豬咁大個仔都未遇過呢d情況ga ma, 到底佢會點處理呢??? 佢竟然... 成舊飯咁坐响度望住個玩具, 冇扭, 冇拎返, 冇求救眼神望住我, 我就同佢講我地去拎過第2樣啦 (個爸爸都係咁話唔好意思, 因為佢又拎返個玩具比米豬, 佢個女就尖叫同喊 -_- ), 點知我行開咗冇2步, 米豬見個妹妹都唔係玩, 只係搶完放埋一邊, 佢就咋家依摸吓個玩具, 之後我見個妹妹冇咩反應, 佢就拎返自己玩, 再用個背脊"得"住佢 XD sorry我真係笑咗~ 你邊度學返嚟ga???

米豬返學有咩做呢? 9:45入課室, 11:30落堂, 逢星期二四返學~

由入課室開始就自由活動到10:15, 都係玩吓玩具, 媽媽同其他媽媽認識吓咁~ 10:15老師會叫各位小朋友收拾好玩具, 之後就响playmat 0個邊圍圈坐, 一齊唱早晨歌, 之後就講故事, 大約10:30度就完成咗講故事, 小朋友同家長們要一齊排好隊, 過去common area 0個邊玩喇~~ 不過會間咗一半場做音樂堂, 所以冇得玩大車車, 淨係有煮飯仔, 捐山窿呢d玩~ 大約玩到10:45, 就過另一邊唱歌跳舞, 都係15分鐘度, 之後就排隊自己洗手仔, 再返返班房食茶點, 食完清潔好就可以玩玩具, 之後就放學lu~~ (星期2就冇唱歌仔時間, 就變晒common area任玩, 所有大車車都可以坐~ 男孩子們超開心~!!)

第一日放學, 食完lunch我問米豬, 你返學開唔開心呀? 佢笑住點頭呀~~ 之後再問佢, 下星期又返學好唔好呀? 又笑住點頭~~ 好野~~~

到之後個星期2返學, 繼續伏响度遙望佢心愛的車車~~

今堂連埋我得返3個媽媽上堂咋, 其他都變晒姐姐了, 冇計啦, 香港地搵食艱難/.\ (亦因為咁, 我地3個媽媽就自己fd咗了~ XD)

有得坐大車車~ 超開心的米豬~

第3堂, 今日我地油顏色呀~~

第一次痴貼紙~~~

媽媽希望你返學時過得開心愉快~~ 雖然有時會比其他小朋友搶玩具, 但見你都一副I don't care ge樣子, 你真係同我一樣咁佛系XDD

其實做媽媽真係好矛盾, 每日好期待你長大, unlock新技能, 但係我每日又好唔捨得你大得咁快, 好懷念你仲係啱啱出世, 第一次响餵奶房抱你, 水汪汪眼睛望住我個樣, 眨吓眼你已經識行識走, 識得叫我, 呢排仲成日講"麻mi set但" 我當你講媽咪鍚啖, 每次一講都會鍚你一啖~~ 媽媽好怕好快有一日你叫我唔好再拖住你, 唔比我鍚你啊........

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：米豬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！