download MamiDaily 親子日常 app
【I Know that feel 媽媽因荷爾蒙壓力爆煲】

【I Know that feel 媽媽因荷爾蒙壓力爆煲】

懷孕 爸媽分享 家庭關係
By Aminn on 30 Aug 2018

生仔之後嘅媽媽究竟係咩一回事?呢種由懷孕到new born帶嚟嘅苦與甜,男人從來無從得知女人嘅內心。最近有套可以將生仔之後嗰種「I Know that feel 荷爾蒙」感覺表達出嚟嘅電影,確實係不得了。

講緊嘅就係早幾個月已經喺美國上映嘅《Tully》(論盡爆煲媽咪) 終於嚟到香港,呢套由《Juno少女孕記》嘅編導班底製作,不過今次主角就唔再係未婚媽媽,而係金像影后查莉絲花朗(Charlize Theron),佢仲專登增肥35磅去飾演呢個頹媽角色! 主角Marlo雖然唔係新手媽媽,仲要本身已經有2個小朋友,細仔仲係有特殊照顧需要,電影開初已經盡顯佢生活有幾頹,加上有個好勤力返工同打機嘅老公,然後仲要迎接new born baby,真係一個打4個!



BB出咗世之後佢直頭迷失咗,喺呢個時候,就有一個年輕嘅夜班褓母Tully出現,一夜之間好似就解決晒所有問題咁,之後Marlo越嚟越搵到自己咁,個人都開心返,連兩公婆嘅關係都大躍進,真係咁簡單?






如果細心啲睇,故事情節中間會令人出現好多問號,要到差不多結尾,用一句對白就會揭開所有之前嘅答案! 其實懷孕同產後經歷荷爾蒙暴升暴跌、角色上嘅轉變、日夜照顧BB,放產假嘅時候操勞,返工之後又可能要面對唔同壓力,加上同屋企人為BB經常出現嘅鎖碎問題,好容易令媽媽嘅情緒有唔同程度嘅狀況。我明,我真係明!

如果各位媽媽喺產後覺得任何唔開心,唔好怕覺得自己情緒出現問題,多啲同屋企人同朋友分享感受,真係頂唔順就算幾唔願意都有需要搵幫手,唔好由得自己一個獨自面對呀!
故事想帶出嘅思考就係阿媽都只係一個人,而唔係一個超人嘅角度去睇做咗媽媽之後受到嘅唔同壓力,描寫得細緻精彩,好適合夫妻同準備結婚嘅情侶入場。 最後講講個香港譯名,「論盡」語帶雙關,究竟係要「論盡」做人老母甚艱難?定為做人老母可以有幾「論盡」呢?就留返大家入場睇喇!

==============================

Text & PhotosAminn

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道