模特兒郭穎兒誕女 驚見臉上深長血痕 院方解釋女嬰指甲刮傷

模特兒郭穎兒（Celia K.）於上周三（23日）入院剖腹誕下一女，上周六（25）出院時，發現女嬰右臉頰現一道長2.5cm的血痕，馬上詢問姑娘卻得出是女嬰的指甲刮傷自己的解釋，郭向經驗豐富的陪月和一名在醫院兒科工作多年的親友查詢，她們都認爲初生BB應該不會刮出那麽深的傷痕，郭懷疑有人推卸責任，故在社交網站貼文吐苦水。

貼文內容如下：

8月25號我出咗院每一個媽咪都會懷着一個興奮開心嘅心情接BB返屋企 我都一樣。但係當我見到bb 嘅時候 我真係笑唔出。佢面上有一個啱啱整親大概2.5cm嘅好深傷口 當我問姑娘點解會咁樣嘅時候 佢第一句答我乜醫生冇同你解釋咩？ 佢自己指甲整親自己 。BB天生嘅指甲係軟嘅 指甲亦都好薄好薄 整親自己當然係絕對有機會 但係一個咁粗咁深嘅傷口 係一個出世幾日嘅BB指甲刮到咁樣 ？我有一個有20幾年經驗嘅陪月姨姨 一睇都話 唔可能係BB嘅指甲造成一條咁粗咁深嘅傷口 一個響政府醫院初生嬰兒科做咗好耐嘅auntie 都話真係未見過BB自己可以整到咁傷。

事件已經發生左 亦都打咗電話去醫院了解
院方回覆 只可以答你100% BB自己整到

每一個媽媽都會心疼自己BB 當然我知道好快好返 嬰兒新陳代謝回復好快 我好少喺Facebook打千字文 但我真係對呢家私家醫院好失望 如果係自己整到嘅有疏忽照顧責任 而當時姑娘回覆嘅態度 係理所當然。
更加 如果係人為疏忽 每個人都有唔少心嘅時候 一句道歉我覺得可以接受 絕對唔會加以追究 但並不是理所當然推卸責任嘅回覆。

Text: Mami Editorial

Photo Source:郭穎兒@Facebook