母乳媽媽要遠離嘅3種收奶食物

母乳媽媽都希望奶量愈多愈好，除咗要留意邊啲食物可以增加奶量外，亦要小心避免食到會收奶嘅食物！以下係網友票選最有效收奶嘅食物前3位，各位想增奶或收奶嘅媽媽要注意喇！

1.韭菜

雖然未有研究證實韭菜有退乳作用，但唔少媽媽都表示食咗韭菜之後奶量大跌，相信效果係因人而異，如果媽媽擔心嘅話，都係盡量唔好食喇！

2.麥芽

本身嘅生麥芽或炒麥芽係唔會收奶，呢度所指嘅係經過發芽而且炮製過嘅中藥材，而且必須經由濃煎方式煮過先有收奶嘅效果。

3.人蔘

人蔘分好多種，中醫師認為當中嘅高麗蔘、紅蔘具有收澀效果，能抑制乳汁分泌，所以母乳媽媽飲後會有收奶嘅現象。

Text: Mami Editorial