初生BB半夜驚醒哭喊 米袋壓驚反成致命武器

BB喺出世頭幾個月內，好多時半夜會無緣無固扎醒痛哭、手腳仲會撑開，好似好驚咁，通常要人抱起先會停止哭喊，但一放返喺床就會繼續喊。好多老一輩都認為係BB夜驚，所以需要縫製一個米袋放喺BB心口，用意係「壓驚」，令BB有安全感可較易入睡同唔易驚醒。

傳統米袋嘅做法係將白米炒過後，放入自家縫製嘅布袋內，不過尺寸樣式就冇一定嘅標準，好多時家人喺自製米袋時拿揑唔準米嘅重量或布袋嘅大細，所以米袋有可能會因為太重或移位而遮蓋住BB嘅臉部，引致呼吸困難，甚至窒息。

所以為安全起見，一般醫生都唔建議用米袋壓喺BB身上，恐怕稍一不慎就會釀成悲劇，所以BB瞓覺時，父母千祈唔好喺BB身上放任何雜物。

Text: Mami Editorial