download MamiDaily 親子日常 app
【寶寶加固後開始學飲水 要識選學習杯】

【寶寶加固後開始學飲水 要識選學習杯】

mami熱話 爸媽分享 湊B趣聞
By 瑩瑩媽 on 17 Aug 2018

寶寶加固後便開始需要飲水。呢個時候就係開始俾bb 學習用學習杯飲水既時間。

市面上有好多唔同牌子學習杯,例如b box, Richell, tommee tippee, Combi ...唔止牌子有好多,連款式都有好多,令人花多眼亂,都唔清楚選擇邊款先適合俾bb 用。

Step 1 奶嘴杯 (3個月以上適用)

呢款學習杯就最基礎,奶嘴設計就好似媽媽乳頭或奶樽般,讓寶寶更加適應較易上手。

Step 2 鴨嘴杯 (5個月以上適用)

比奶嘴杯難度上升一點點,水杯流量較大,飲用水量都會較多,寶寶口腔需要花較大力量吸啜才能吸啜到水,給寶寶訓練吸啜能力,亦過渡擺脫奶嘴學習杯。

Step 3 吸管杯 (6個月以上適用)

顧名思義係用吸管飲水,Richell 呢個牌子當中有一款係吸管訓練用水杯。讓剛學習吸管喝水的寶寶,可以由父母按下杯上的按鈕,飲料就會從吸管流出,讓寶寶學習吸啜。

b box 學習杯有加重吸管球,可以讓寶寶360度任何姿勢都吸啜自如,飲管口十字設計就不怕寶寶吸啜過多水而濁親。所以呢兩款吸管杯都比較受歡迎。


Step 4 360度防漏學習杯  (9個月以上適用)

呢款學習杯不含杯嘴,飲管,讓寶寶告別奶樽,設計以防漏,360度任意部位都可飲用為主。只需用嘴唇壓下杯邊,閥門會被打開,不喝時則自動關閉。

大家可以留意返Richell, Tommee Tippee, Combi 呢幾個牌子都有學習杯分段套裝或配件更換,這樣就不用買不同階段的學習杯,只需要更換部分配件便可。


希望大家睇完之後對不同款式的學習杯有所了解,從而選擇到合適的學習杯給自己的寶寶使用,可能寶寶一開始未必能恰當運用吸啜力,往往不懂得如何吸啜或吸啜過多的水而濁親,但媽媽們都不用氣餒,多多鼓勵,教導寶寶,慢慢寶寶就會學懂如何飲用就如大人一樣。

==============================

Text & Photos:瑩瑩媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

 

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道