好嬲又好笑 BB對父母做過嘅5個小惡魔行為

當BB有返咁上下活動能力，小肌肉又有返咁上下力度，就足以化身小惡魔，用笑容征服爸爸媽媽之餘，仲會用以下5招令爸爸媽媽大叫怕怕！

1.扯頭髮

唔知點解BB特別對扯頭髮情有獨鍾，唔止鍾意扯自己頭髮，連媽媽嘅秀髮都唔放過，媽媽產後已經甩唔少頭髮，仲要俾BB扯走一堆⋯⋯嗚⋯⋯

2.插眼耳口鼻

BB好鍾意睇爸爸媽媽扮鬼臉，仲好鍾意研究下爸爸媽媽嘅眼耳口鼻，篤下眼、插下鼻、搣下耳仔，BB真係好認真㗎！

3.用力搣

好多玩具都會強調可以訓練BB嘅手指小肌肉，其實每次抱起BB，BB都會用力搣爸爸媽媽嘅手臂肉，爸爸媽媽嘅手臂肉就係最好嘅訓練玩具。

4.將爸爸媽媽個頭當凳坐

爸爸媽媽想瞓低休息下，BB就會自自然然爬過黎，坐喺爸爸或媽媽嘅頭上，仲好中意起勢咁䟴！

5.搶爸媽手機

忙裡偷閒，想用下電話打陣機都唔得，BB見到電話就會即搶！唉，俾爸爸媽媽抖下好唔好⋯⋯

Text: Mami Editorial