BB要出世喇！ 3個徵兆提示媽媽要入院

到咗懷孕後期，BB隨時會出世，但又怕BB係報假案，入到醫院會被打回頭，究竟咩情況下先要拎埋走佬袋入醫院呢？

1.陣痛

陣痛係有規律而持續嘅肚痛，每次痛嘅相隔時間會愈黎愈短，而肚痛時間就會逐漸加長、愈黎愈痛！呢個時候，媽咪可以記錄低陣痛時間同持續幾耐，當陣痛每10分鐘出現1次嘅時候，就可以準備入院。

2.見紅

當胎位下降、子宮頸擴張時，血液加上子宮頸內黏膜就會一齊流出，媽媽會見到有膠水狀嘅淺紅色液體流出，就可以準備入院。媽媽要記低開始見紅嘅時間，亦要留意液體份量同顏色，如果出血過多，須要即時入院！

3.穿羊水

大量無色無味嘅羊水由陰道流出，呢個情況非常危急！胎兒已經唔再受保護、而且極易受感染，媽媽應該盡快入院！

Text: Mami Editorial