【唔交功課兼默書唔合格嘅下場？女補習老師9招虐打10男童並問「我係黐線，你知唔知？」】

現今社會，學生去補習社補習都唔係咩特別事，作為老師當然係要有教無類。但喺長沙灣東京街嘅啟俊補習學校內卻有位周姓女老師，因疑不滿一名10歲小五男童無交功課兼默書唔合格，而係課堂上當著全班近10名嘅學生面前對男童拖展9招虐打招數，仲邊打邊話：「我係黐線，你知唔知？」、「你係示範品，邊個唔乖就係咁下場」。

男童讀小三（即係2015年時）就已經去到啟俊補習學校內補習，並由周姓女老師幫佢補全科。案發就係去年5月2日發生，男童父打電話畀周姓女老師，指話男童欠交中文功課同中文默書唔合格，周姓女老師聽後大怒，當男童返補習社後，周姓女老師就當著全班10個人面前虐打男童約兩個鐘頭。

虐童9式分別係：
用膠捧打男童頭部；
厚書打頭；
扯耳珠；
拳打面頰；
用清潔劑直接噴面；
用3條污糟嘅毛巾抹頭；
㩒男童嘅頭部撼落枱面5至6次；
兜心口踢男童，導致男童從凳上跌落地；
用膝蓋撞男童背脊；

男童係作供房內講到，周姓女老師係用清潔劑噴佢個時講話：「我係黐線，你知唔知？」男童答話知道，隨後周姓女老師又話：「你係一個示範品，邊個唔乖就係咁下場！」男童被打期間無叫停，主要係因擔心會被打得仲勁。

男童嘅頭部、雙手同胸部都有受傷，但男童亦有聽周姓女老師嘅說話，指身上嘅傷勢係由同學所造成，最後男童向媽媽講出真相，從而揭發事件。

開庭受審時，周姓女老師否認虐兒，辯方指周姓女老師只係用膠棒敲男童嘅手冊同枱，並鬧男童無做功課，要男童補交，又同其他同學講話唔好學男童，更指男童係因為唔想補習，所以先會誣告周姓女老師。但男童則重申周姓女老師的確有打他，又講出爸爸接佢放學時已發現佢嘅臉腫同手部均有受傷，嗰時周姓女老師已有向男童父承認手部傷勢係由佢（周姓女老師）所造成。
案件今日再續審。

Text: Mami Editorial