【私家醫院生B平極都要幾萬蚊真係頭都暈 教你點用1/5價錢入私院生BB】

上一次係小編第一次投稿，可能講關於「香港私家醫院生仔價錢」唔係打得咁好，請大家見諒。來緊日後，我會努力詳細分享多啲理財資訊比咁多位讀者。

（傳送門：https://mami.presslogic.com/2018/07/31/article/32804/）

上次都講過，係私家醫院生小朋友，閒閒哋淨係package都要3至5萬，計埋醫生費同雜費，落樓好可能都要7-8萬。如果想住好啲住私家房，再擇埋時辰開刀，真係有機會超過10萬。計埋產前產後檢查費用，真係諗到都頭痕。

以前成日有人會話「如果保險包生仔，咁我咪買囉」，話你知確實現時唔少保險公司計劃真係包你入私院生仔，你又聽過未？等我哋「理財公主病」教大家，如何用五分一價錢就可以入私家醫院住私家房生BB！

小編揀咗幾間公司有「生仔保障」計劃比大家睇下，以30歲女性為例：

從以上比較表睇到，其實以上保險計劃本身係包含「產科保障」嘅醫療計劃，「產科保障」由3萬幾至15萬不等。當然每個計劃都有佢注意地方，如G公司及A公司嘅「產科保障」要「保單需生效365日方開始受保」，即係要連續投保兩年，係第二保單年度開始就可以享受呢個保障，去cover如產前產後檢查及入醫院生BB費用等。而B公司雖無一年等候期，但就要附加生育保障後才懷孕，及該項保障滿9個月後先有「產科保障」。所以，計劃生BB時，不妨考慮埋以上等候時間，例如婚後投保，然後享受一至兩年嘅二人世界後就生BB。

以一個30歲女性為例，2年G公司計劃保費大約3萬幾蚊，只需要大約五分一價錢就可以有15萬生育保障。最緊要係仲會有一個高端醫療保障，確實「一個價錢，多重享受」。

有好多媽媽可能會話，「乜有嘅咩？咁荀點解我唔知嘅？」確實，唔太多保險公司提供呢類有產科保障嘅計劃，你幫襯開嘅公司可能無呢類型計劃或者唔吸引，所以agent都唔會同你講。

除左多留意「PressLogic - Mami親子日常」外，一定要留意我哋「理財公主病」知多啲唔同理財資訊、計劃比較等。如果你有任何關於理財問題想知道，想我哋幫你做個比較，歡迎Facebook或者Whatsapp我哋，亦可以多多留意我哋投稿，做個精明媽媽啦。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：理財公主病

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！