偷時間化妝將囝囝放入洗衣機 雷凱欣︰有工人嘅你唔會明 網民鬧爆 臨時「託兒」

好耐無係幕前出現34歲「雷神」雷凱欣，原來已經成為人母，與車行太子爺陳智聰相戀，誕下一子。

日前，雷凱欣係IG放咗張將阿仔放入揭蓋式嘅洗衣機裏面嘅相，稱因為要化妝又要睇實囝囝，所以出此下策。

雷凱欣：「當你化妝ing嘅時候，原來可以將呢個「痴媽根」嘅小朋友，放落去企喺你隔離，又唔怕跌親，而佢又可以望住你，一舉幾得」

然而，有網民覺得就算無開，但都通緊電，唔多安全，又怕仔仔有樣學樣，之後自己爬入去。更有網民猛烈抨擊，直指：「告佢疏忽照顧兒童或虐兒！」

其後，雷凱欣未有刪除照片，仲係留言處加咗Hashtag，「#有工人嘅你係唔會明 #長期有人痴（纏）實條腿 #放地下仲危險 #牛咁眼望到實 #一秒都無行開 #佢企得好開心 #無開開關制 #企得好乖乖 #都只係放左（咗）一陣間好快抱番起 #一秒畫眼線 #兩秒就搞掂 #非港女阿媽育兒法 #我點呃都係得咁少like #洗（使）咩（乜）出呢招 #like係身外物 #慣咗少like #又唔係要你like #多謝你嘅留意」

Text: Mami Editorial

Photo Source:雷凱欣   @Instagram