網民諷刺葉翠翠改BB做乳名做「小王子」 葉翠翠：青山病患者

05年港姐冠軍葉翠翠上月，開刀誕下第2胎「小小王子」，近日就有網民因小朋友乳名，同翠翠發生罵戰，究竟發生咩事？

事源係仲坐緊月嘅翠翠，係Facebook貼文分享，自己親眼見到工人搣大仔「小王子」個鼻，問工人為何要咁樣做，最後翠翠表示「真係好唔開心，唔開心到又暈又嘔。。。

大部分網民好同情翠翠遭遇，指責工人姐姐的不是，而有部分批評翠翠，話過份緊張，姐姐只係同「小王子」玩下，小事一椿。

而翠翠同網友公開駁火，指工人姐姐行為不當，父母擔心子女是應當。

其後，網民有針對「小王子」乳名的留言，不滿翠翠叫自己個仔做小王子。翠翠立即鬧爆： 「好少見咁低b留言」；「我點叫自己個仔關你咩事」

而網民繼續批評翠翠，「香港小姐冠軍咁無品」，而翠翠不甘示弱，「而家網絡都有好多病患者」

其實比著任何父母，有人話自己仔囡，大家都會反感！

Text: Mami Editorial

Photo Source & Source:葉翠翠