【乳齒蛀咗唔洗理？ 深入牙根會影響仲未生出嘅恆齒架！】

曾經我也有過乳齒蛀了都不用理會這樣的想法，後來朋友一言驚醒夢中人，我先知道輕視乳齒蛀牙，後果可以好嚴重…..

蝦子細佬之前因為常吃糖份高鈣片(後來轉了無糖的)，攪到門牙頂部蛀了，雙職媽媽在想，我小時候都係咁，唔洗特登理會啦，反正乳齒總會甩掉換上恆齒。後來有一次聚會，朋友見到蝦子咁既情況，馬上就話再唔理會，蝦子大有機會同雙職媽媽一樣爆牙，大大影響儀表。

原來，乳齒蛀了係一個警號，代表口腔滋生細菌，食物中既糖份令細菌快速繁殖，促使蛀牙面積逐漸擴闊，去到如此情況都唔治療，小朋友除左會感到牙痛、食唔到野、哭哭鬧鬧外，細菌更會蛀入牙髓，深入牙根影響仲未長出既恆齒，臉部都有機會受感染! 到蛀壞既乳齒甩左之後，小朋友既發音同咀嚼能力都受到影響，而最大穫就係恆齒排列唔齊，即刻唔靚仔唔靚女，大個箍牙都要預返筆錢‼

想小朋友繼續開懷大笑咁成長，唔會大時怨爸媽，咁就要及時治療蛀牙喇~~

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：鯨魚家姐‧蝦子細佬媽媽

Photos：Shutterstock

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！