![【《BB來了》結局篇 阿媽再次干涉婚姻 致遠大鬧:「我同邊個一齊關你咩事呀」】](https://image.mamidaily.com/wp-content/uploads/2018/07/TVB-Articles-Cover-Template_023.jpg?auto=format&w=718)
【《BB來了》結局篇 阿媽再次干涉婚姻 致遠大鬧:「我同邊個一齊關你咩事呀」】
大台熱門劇集《BB來了》踏入倒數階段,劇集中多對有情人依然受到阻礙未能一齊,當中由徐榮所飾演嘅葉致遠及由楊卓娜所飾演嘅阿妙,將有突破性演出同發展,搞到龍仔慘遭被擄,而致遠更比人揮刀怒斬。
唔知大家仲記唔記得,致遠同前妻分開嘅原因,除咗係不育問題之外,最重要係阿媽(盧宛茵飾)恨抱孫,迫生仔佢哋生仔,而最終忍痛離婚。
直到遇到阿妙,起初二人並無任何交集,致遠更以為阿妙係個貪錢嘅女人。後來,阿妙個仔仔「龍仔」被同學欺貞,並睇到畫中阿妙被爛賭老公阿成(楊證樺飾)用刀指嚇嘅情景。
面對種種一切,兩人暗暗互相產生好感,就連龍仔都問阿妙:「Ben叔叔會唔會成為我新爸爸?」
後來,阿妙個爛賭老公阿成睇到雜誌知道阿妙成為金牌陪月員,就想同返阿妙一齊,但阿妙唔想,仲同阿成講叫佢唔好再纏住佢地兩母子。阿成聽到之後就成誤以為致遠係「奸夫」,懷恨在心,所以就跟阿妙去到致遠阿媽個大壽度大吵大鬧,致遠見到咁情況即時出手打阿成。
阿妙因有要事在身未能照顧龍仔,就搵致廷(黎諾懿飾)幫忙,點知,阿成竟趁機將龍仔擄走,仲搵鐵鏈鎖着龍仔,唯幸致廷尾隨即時救出龍仔。
致遠為免阿妙母子再受阿成騷擾,就幫佢哋係出面物色新居。致遠阿媽知道後,即搵致遠並講話:「你畀安穩佢,除非你唔認我哩個阿媽!」致遠聽後大鬧:「我同邊個一齊關你咩事呀」,隨後仲離家出走。
阿成知道致遠為阿妙母子搵新屋,認定自己「戴綠帽」而致遠就係「奸夫」,一怒之下,就拎刀搵致遠,致遠不敵受重傷。
Text: Mami Editorial
Photo Source: TVB《BB來了》截圖