download MamiDaily 親子日常 app
【痛到以為就生得 一呼一吸唔好亂】

【痛到以為就生得 一呼一吸唔好亂】

懷孕 爸媽分享
By 西瓜媽媽 on 31 Jul 2018

繼上回12點檢查後,開左2度,因為我知第一胎度數會開好慢,所以我叫老公落去食飯先,因為無咁快同埋我地黎之前咩都無食。本身佢唔肯走,我都係鬧一鬧佢,佢先肯行,而我一個人係房到keep住咁痛,但仲頂到。

到12-1探訪時間,奶奶竟然黎左...我開始痛到搵野捉,佢又係咁拉住我隻手,我無理由鍊佢隻手架嘛!之後又不斷講野,係搞到我仲炆,同埋咁狼狽既樣,當刻係唔想有人係到!(老公們好好勸家屬生左先好黎)
-
4:30pm 6度
眨下眼,到檢查時間,開始有d痛到癲左既感覺,之後姑娘宮探,我見到佢手上有血,佢話:「媽媽好叻,開到6度啦 !1個鐘開1度算快,下一次檢查8:30!」 之後d羊水都係一陣一陣咁流出黎。
-

shutterstock_727060492
7:30pm 痛到以為生得
係呢段時間,我係有好幾次痾屎既感覺,痛到連呼吸亂哂!搞到bb心跳一齊亂 ,之後姑娘比氧氣我聞。因為不斷鼻吸口呼,我痛一次飲一啖水,係開頭都有放盤比我小便,但到後段真係痛到我以為痾尿會痾埋個b出黎,所以去到生完之前,姑娘幫我插喉放尿(生完痾尿會陰陰痛),我有幾下痛到叫左出黎,叫姑娘幫我睇,點知係咁叫我等8:30。

Screen Shot 2018-10-26 at 3.39.14 PM
-
8:20pm 開哂!生得
成班姑娘助產仕檢查,終於開哂!之後佢地極速準備,叫埋老公著衫,8:25正式開始,姑娘就話:「痛就試下用力,忍住度氣!」推第一次,第一次推見到少少,但我嗌左一下!搞到入番去,(呢個時候真係要跟住指示做,咁就會好順利),第二次都係失敗左,之後姑娘本身話幫我唔知打咩針,咁岩第三次陣痛黎,試多一次用力,之後出左少少,姑娘就立即話:「bb出左少少,依家幫你剪少少。」一剪,用多少少力,就sir左出黎!最後係用15分鐘出左黎,一出黎bb身上好少血/唔係好濕,之後姑娘放左係我心口,軟綿綿細細粒既,因為剪左下面要縫針,所以就叫左我老公出去,姑娘就叫我聞笑氣,我就話唔要,因為想嘔。之後佢就叫我攬住bb,就開始縫,縫之前就打左2枝針係下面,之後一直撩我下面,推d血出黎(過程仲痛過生)但姑娘話一定要推,忍一下,如果唔係縫完會有瘀血積聚,容易發炎,我一直問縫幾針,姑娘一直答:「我地一針過,所以無分架!」佢一邊仔細縫,一邊教隔離個個,然後隔離個個實習生不停安撫我:「仲有1-2針咋!好快!」最後半個鐘左右搞掂,之後姑娘推bb出去比老公影張相。
-

Screen Shot 2018-10-26 at 3.21.04 PM

10:00pm
生完要留係產房1個鐘觀察,無事就由姐姐推上房後房,要自己過床,好似條蟲咁慢慢躝過去,一開產房門,老公幫我打比媽咪,生完個刻都無喊,但呢一刻終於忍唔住喊出黎,上到房,好餓,叫老公買飯比我食。(雖然過左探訪時間,但係可以叫屋企人買上黎放底比姑娘拎入房,所以生完餓,即管放心叫人買飯,幾點都食得!)。
-
11:00 bb番黎第一次獨處
產後8小時唔可以落床,所以bb駁完機就推過黎床邊,終於可以仔細望到呢個小朋友,之後要親餵,姑娘就教打側身訓比佢吸啜,唔啜都比佢訓係你身邊貼住你❤️餵完就會推走,2個鐘後番黎再餵,我就把握時間食飯,因為我知道要食飽飲夠先有奶!
-
好啦!希望黎緊準備生既媽咪都一樣順利,記得乖乖跟指示同練習下呼吸。

==============================

Text & Photos:西瓜媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道