【外出必備營養小食：紫薯蛋黃燕麥波波】

每逢帶bb外出或放電，都希望囝囝能夠食得健康點，所以必定會自備小食。今次同大家分享用紫薯來做成小食，紫薯除了有蛋白質，更含豐富的花青素、纖維素、維生素及多種礦物質；而蛋黃則含有豐富營養素，如有助兒童腦部發展的卵磷脂；再加上燕麥片能提供膳食纖維，實在是好味又有營養！這次教大家製作的「紫薯蛋黃燕麥波波」適合大人及小朋友，希望大家喜歡！（*適合1歲已試蛋黃的BB或以上）

材料：
紫薯 1個
蛋黃 1個
低納原糖 半茶匙 （可不加或減糖）
即食燕麥片 適量

做法：
#1 紫薯去皮蒸20-25分鐘至軟身。
#2 以200度預熱焗爐10分鐘。
#3 將紫薯壓成蓉，倒入蛋黃及低納原糖拌勻。
#4 再加適量即食燕麥拌勻。如鐘意香口同脆口一點的口感，可以加多一點即食燕麥片！
#5 拌勻後造成波波形狀。
#6 放入焗爐以180度焗15至20分鐘便完成。 因每個焗爐爐温會有一些不同，因此焗好後可因應食物情況再調較爐温或時間。

這款紫薯蛋黃燕麥波波帶出街好味又方便！帶埋水果就更有益啦！最重要係唔會食得好污糟！

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！